listen to Tru Fm Current Affairs
Tru Fm Current Affairs
TRUNEWS @6 - Bafana Bafana AFCON qualifier match against Kenya with Khanyiso Tshwaku
Xa siqukumbela inkqubo yethu, siyiqukumbela ngezemidlalo, ngomdlalo phakathi kweqela loMzantsi Afrika, iBafana Bafana, neqela laseKenya. U-Amanda uncokole noKhanyiso Tshwaku ngalo mdlalo...
TRUNEWS @6 - Lack of government managed and funded shelters for women and children affected by Gender Based Violence and Femicide
Usihlalo wegqugula lamanina aphuma kwimibutho eyahlukileyo epalamente, uLindelwa Dunjwa, ukhala ngokusilela kukarhulumente ukulawula nokuxhaswa ngemali amaziko okugcina abasetyhini nabantwana abachatshazelwa ludushe olusekelezelwe kwisini, nokubulawa kwamanina. ISebe lophuhliso lwezentlalontle livele phambi kwekomiti ejongene negqugula lamanina aphuma kwimibutho yezopolitiko epalamente, ngelokuxoxa ngala maziko, kuquka amaziko ajongene nokhuseleko lwamaxhoba odushe olusekelezelwe kwisini, nokubulawa kwamanina. Urhulumente unamaziko alikhulu elinamashumi amathathu anesine kumaphondo olithoba eli, nto leyo ethetha ukuba zingaphaya kancinane kwewaka namakhulu asixhenxe anamashumi amahlanu iibhedi ezenzelwe amaxhoba. U-Amanda Xhala ukulungiselele le ngxelo kaZalene Merrington...
TRUNEWS @6 - Lack of classroooms in Eastern Cape school in Centane forces learners to study outside, sometimes under trees.
Ukungabikho kwamagumbi okufundela awoneleyo kwisikolo samabanga aphakamileyo, iMabobothi, kuCentane kwiphondo iMpuma Koloni, kunyanzela abafundi ukuba bafundele ngaphandle, ngamanye amaxesha phantsi kwemithi. Amanye amagumbi okufundela kumacala amabini esikolo, oonakaliswa ngumlilo nesichotho, nto leyo eshiye ootitshala nabafundi besabelana ngecala elinye kuphela, kwakunye nesakhiwo esakhiwe ngee-prefabs. Esi sikolo kuye kwanyanzeleka ukuba similisele amanyathelo kaxakeka nanjengoko ziqhuba nje iimviwo zokuphela konyaka. UFundiswa Mhlekude usiqulunqele le ngxelo ilandelayo...
TRUNEWS@6-Joint departments in Eastern Cape brace for heightened Heatwave
Amasebe karhulumente ephondo iMpuma Koloni, adibene kwisixeko saKuGompo ukushukuxa nokuqulunqa izicwangciso zokumelana nobushushu obugqithisileyo ngenxa yesimo sezulu esibizwa iEl Niño, kwakunye neentlekele zendalo ezinokwenzeka ngenxa yobushushu obuqatseleyo. La masebe anenkxalabo yokuqina kwembalela, ingakumbi kwimimandla enembali yokoma kunye nomngcipheko wokuqhambuka kwezifo ngenxa yobushushu obumandla. Amagosa ohlangulo athi ezi meko zitshisa ngokugqithileyo, zagqityelwa kwelilizwe ngeminyaka yoo 1950, kwaye ababandakanyekayo ephondweni bakholelwa ukuba baziphawule ezona ndawo zinokuchaphazeleka ngamandla kweli phondo, njengesicwangciso sokuqubisana nale meko. Nantsi ingxelo ethe vetshe isiza noSidima Mfeku...
TRUNEWS@6| SADC countries look to reduce their reliance on international pharmaceutical suppliers
Ummandla okumazantsi elizwekazi i-Afrika, i-SADC, ujamelene nedabi eliphinde lavumbuluka kwakho lokulwa intsholongwane kagawulayo, isifo sephepha ne-malaria, nalapho ubomi bamawaka abantu busemngciphekweni noko ikhona inkqubela esele yenzekile kule minyaka idlulileyo. Lo ibe ngumyalezo ophume kwintlanganiso yabaphathiswa bezempilo kwi-SADC kwakunye neenkokheli zezempilo kule ngingqi, nebanjelwe eThekwini. Bathi iinkqubo zezempilo ezomeleleyo nentsebenziswano kule ngingqi, zidingeka kakhulu ukuhlangabezana nale mingeni, kuquka nokuqhambuka kwesifo i-Ebola kwi-Democratic Republic of Congo. U-Amanda Xhala uncokole nesithethi sesebe lezempilo kuzwelonke, uFoster Mohale...
TRUNEWS @6| Eswatini's Citizen Economic Empowerment Act cracks down on foreign-owned businesses.
Namhlanje xa sijonga kwimiba yamanye amazwe sifumene iingxelo eziphuma kubuKumkani base-Swatini ezithi iPalamente yela lizwe ipasise umthetho obizwa i-Citizen Economic Empowerment Act, nonyanzelisa ukuvalwa kwamashishini abemi bamazwe angaphandle, khon'ukuze aqhutywe ngabemi bela lizwe. Ukumiliselwa nokupasiswa kwalo mthetho kuza emva kwezikhalazo zoosomashishini bela lizwe abathi amashishini abemi bangaphandle kwela lizwe atya kwintsimi yabo, kwaye oku kubachaphazela kakubi, ingakumbi kwiivenkile zasekuhlaleni ezisemaphandleni. Izikhalazo ezikumila kunje ke mphulaphuli zikho nalapha eMzantsi Afrika kunye nase-Kenya. Ilizwe lasEswatini lelinye lamazwe akumazantsi e-Afrika ajamelene nemingeni yentswela-ngqesho, indlala nokungalingani. Ngoko lo mthetho ubonwa njengelinge lokukhawulelana nale mingeni. Ukufumana uhlalutyo ngoku, uAmanda Xhala uthethe nomhlalutyi wemiba yamazwe ngamazwe nomhlohli wezifundo zophuhliso kwiziko-mfundo laseMpumalanga, uGqirha Nsizwazonke Yende...
TRUNEWS@6: COALITIONS PARLY #LGE26
Usihlalo wepalamente, uCedrick Frolick, uthomalalise amathemba ngomthetho-sihlomelo oyilwayo, iLocal Government Municipal Structures Amendment Bill, nowaziwa nge Coalition Bill, ngelithi awuzokukwazi ukuqukunjelwa zingekaqukunjelwa iingxoxo zothethathethwano zokubumba oorhulumente benkazathi. Kulandela ukufakwa kumqulu wezibhengezo zakwarhulumente kweziphumo zonyulo loorhulumente basekhaya izolo, oomasipala baneentsuku ezilishumi elinesine (14 days) ukuba bangene ebhungeni. Intatheli yethu u Zalene Merrington wenze lengxelo esiyiphathelwe ngu Thandokazi Vusani...
TRUNEWS@6: CROP EC
AGRICULTURE MINISTRY MOTIVATES FARMERS TO PRODUCE MORE FOOD TO FIGHT MALNUTRITION AND HUNGER . Nkululeko Nyembezi our reporter filed this report for us...
TRUNEWS @6 - Safe School and Spaces Colloquium
Umbutho ongafumani nkxaso kurhulumente, Indlela Mental Health, ubambe indibano nabo babandakanyekayo kumaqonga ohlukileyo eqwalasela ukhuseleleko kwizikolo zeli. Injongo yalendibano kukuxhobisa abantu nokufundisa ngemigaqo nkqubo engqamene nokhuseleko kubafundi ezikolweni. Lombutho unoxanduva lokulwela amalungelo nesidiima sabo baphantsi koxinzelelo lwengqondo, ukwaphakamisa nomanyano kwiindawo zokuhlala nasezikolweni. Lendibano ibanjwe namhlanje e ETC Conference Center eGqeberha, phantsi komxholo othi " "From Policy to Practice: Building Safe, Inclusive and Supportive Schools for Every Child." U-Amanda Xhala uncokole banzi ngale ndibano noyi Advocay Officer, u Lelona Mxesibe...
TRUNEWS @6 - SAFTU rejects 3.5% pay increase for political office-bearers but makes an exception for judges
Umbutho wabasebenzi i-SAFTU, uyakuchasa ukwenyuswa kwemivuzo nge 3.5% kwinkokheli zopolitiko, eziquka abaphathiswa namalungu epalamente, kodwa ukuxhasa ukwenyuswa nge4% kwemivuzo yeejaji. Lo mbutho uthi oku akwamkelekanga ngeli xesha isizwe sijamelene neqondo lwentswela ngqesho eliphuzulu, kunye nokwenyuka kwamaxabiso ezinto. I-SAFTU imemelela uMongameli uCyril Ramaphosa asirhoxise esisigqibo. U-Amanda Xhala uthethe nonobhala-jikelele walo mbutho, uZwelinzima Vavi...
TRUNEWS@6-COSATU welcomes the increment for judges & magistrate but says no to politicians also receiving a salary increase
Iziko elibeka esweni inkqubo yezobulungisa kweli, iJudges Matter, likwamkele ukwenyuselwa kweejaji neemantyi ngomyinge wesine weepesenti. Nangona kunjalo, umfelandawonye wemibutho yabasebenzi, iCOSATU, ukugxekile ukwenyuselwa kwabaphathiswa, oosekela-baphathiswa, amalungu epalamente nawezindlu-zowisomthetho kumaphondo, kwakunye namabhunga koomasipala ngomyinge we 3-point-5 weepesenti. Umongameli uCyril Ramaphosa izolo wenyuse imivuzo yala magosa, kulandela izindululo zekomishoni ebizwa i-Independent Commission for the Remuneration of Public Office Bearers. UYamkela Mtshiyo uzilungiselele le ngxelo...
TRUNEWS @6 - Markets' reactions to the outcomes of the elections and what to expect as coalition talks begin
Ingaba iziphumo zonyulo loomasipala ezibone kusanda oomasipala abangenambutho ulawula ngesininzi kubenegalelo elinjani kwiimalike zehlabathi? Iimalike ziye zithi ntsho amehlo kwiziphumo zonyulo qho kulixesha lonyulo. Kolunyulo lugqithileyo loomasipala, abanye oosoqoqosho babona ngathi noko iimalike zibenalo ithemba kwelilizwe loMzantsi Afrika, njengoko irandi iye yathanda ukomelela emva kweziphumo. Kanti kusajongwe nasekubeni kusekwe oorhulumente bendibanisela, ingaba oku kungatshintsha nto? U-Amanda Xhala uncokole noyingcali kwimiba yopolitiko noqoqosho, uNjingalwazi Isaac Khambule...
TRUNEWS@6-Correctional Services Miinister, Dr Pieter Groenewald and members of Parliament's portfolio committee are at loggerheads
Kukho ukruthakruthwano phakathi komphathiswa weenkonzo zoluleko, uGqirha Pieter Groenewald, namalungu ekomiti ejongene neenkonzo zoluleko epalamente. Oku kungqamene nokuba semthethweni kokuqeshwa ngokupheleleyo kwamalungu enkampani i G4S, kwiziko loluleko elinokhuseleko oluluqilima iGrootvlei, eMangaung. Ebutsheni balo nyaka, iSebe lalithathela phantsi kolawulo lwalo eli ziko loluleko. Oku kulandela ukufikelela esiphelweni kwesivumelwano sokusebenzisana seminyaka engamashumi amabini anesihlanu, phakathi korhulumente nale nkampani yabucala, emva kokuqhwesha kukaThabo Bester. Ababesakuba ngabasebenzi benkampani iG4S bamangalela iSebe ngokungabaqeshi emva kokuphela kwesi sivumelwano. NgoCanzibe kulo nyaka, inkundla yezemisebenzi yagweba ngelithi iSebe maliqeshe aba basebenzi, kodwa iSebe labe linezicwangciso zokubhena ngakwesi sigwebo ngenxa yefuthe okwakuba nalo oku. Ngentsasa yanamhlanje, iSebe, kuquka noGroenewald, bebengazi ukuba isicelo sabo sokubhena sikhatyiwe. UVuyolwethu Mabeqa usilungiselele le ngxelo kaZalene Merrington
TRUNEWS@6- Unemployment rate in South Africa has edged higher to 33.7 percent in the third quarter of this year
Lenyuke ukuya kumyinge we 33-point-7 weepesenti iqondo lentswelangqesho kweli kwikota yesithathu yalo nyaka. Oku kuthetha ukuba eli qondo elikhutshwe liziko leenkcukacha-manani, iStats SA, lenyuke ngomyinge we 0-point-1 weepesenti, ukusuka ku 33-point-6 weepesenti wekota engaphambili. Ezi ziphumo zophando olugxile kwezengqesho olubanjwa qho ngekota, lubonisa ukuba noko iyi 101,000 imisebenzi ethe yaveliswa phakathi kweyeKhala neyoMsintsi, kodwa inani labantu abangaphangeliyo lande ngo 97,000 ukuya ku 8-point-6 million kwangeli xesha linye. UVuyolwethu Mabeqa usiphathela ingxelo kaNosipho Radebe...
TRUNEWS @6 - Deaf Children's Early Identification and Language Development Session
Icandelo elijongene nabantu ababandezeleke ngokwamalungu omzimba lisindleke iseshoni egxile ekuphawuleni nasekuphuhliseni kolwimi kubantwana abazizithulu. Lo msitho ubanjelwe kwiholo loluntu eMdantsane, eMpuma Koloni. Le seshoni iyinxalenye yenyanga egxile ekufundiseni ngamalungelo abantu ababandezeleke ngokwamalungu omzimba, iDisability Rights Awareness Month ngolwasemzini. Ukuxoxa banzi ngalo mba, emnxebeni sinotolikela usihlalo we-Deaf SA uKhumbulani Butana, onguNomthandazo Tutani...
TRUNEWS @6 - What's next for the hung municipalities? #LGE26
Bangaphezulu kwekhulu namashumi amathathu (130) omasipala ekungekho mbutho uphumelele ngesininzi kuwo. Kunyulo lomasipala luka 2021, aba basipala babengamashumi asixhenxe nekubonakala kulona unyaka lenyukile. Ngethuba ebhengeza iziphumo, usihlalo wekomishoni yonyulo uMosotho Moeypa, uvakalise ukuba uphando olwenziwe libhunga lophando iHuman Science Research Council, lubonakalise ukuba olu lunyulo luqhube kungekho ntembeko. Oku kubonakele ngethuba kuvote abantu abaqikelelwa kwi 15-million kwabo bayi 29-million babhalisele ukuvota. Emnxebeni sinayo ingcali yemiba yonyulo ugqirha Nkosikhulule Nyembezi
TRUNEWS@6-Five cash in transit suspects killed during a shoot out with police in Gqeberha EC
Sisixa semali esingadizwanga ebesiphangwe kwisithuthi esihambisa imali eGqeberha kwiphondo iMpuma Koloni, esifunyenwe kwisithuthi ebesisetyenziselwa ukubaleka nale mali. Amapolisa aphinde aqinisekisa ukuba imipu emibini ekurhanelwa ukuba ibisetyenziswe ngexesha lokuphanga nayo ifunyenwe. Oku kuza emva kokuba abarhanelwa abahlanu ababandakanyeka kwesi sisiganeko sokuphanga isithuthi esithwele imali, bedutyulwe babhubha kudubulwano obeluphakathi kwabo namapolisa eGqeberha ebutsheni banamhlanje, nanjengoko isibalisela intatheli yethu uLubabalo Dada...
NewsReview: 2026 LGE results analysis #LGE26
u Ayabonga Kekana ubambe udliwano ndlebe esenza uhlalutyo lweziphumo zonyulo loomasipala eqwalasele ingakumbi eMpuma Koloni. Uncokole no Njingalwazi Ntsikelelo Breakfast ekunye no Gqirha Xolisile Ngumbela
INTERCHANGE: UDM'S VICTORY IN THE #LGE26
Usekela mongameli we UDM u Nqabayomzi Kwankwa uvakalisa imincili ngempumelelo yalombutho koomasipala be Mpuma Koloni. u Ayabong Kekana wenze oludliwano ndlebe...
INTERCHANGE: ANC EC CHAIRPERSON, MABUYANE RESULTS INTERVIEW #LGE26
Umbutho i-ANC eMpuma Koloni awuqhubanga kakuhle kunyulo loomasipala lwalo nyaka. Ngokweziphumo zonyulo lobalo olusele luqhukunjelwe, lo mbutho uphulukene nobunganga bolawulo koomasipala abaliqela, nabaquka iMakana, iMnquma, iKing Sabatha Dalindyebo, iEnoch Mgijima, Walter Sisulu Phakathi kwabanye. Elona duma ligqejwe lo mbutho kukuphulukana lobunganga bolawulo kumasipala ombaxa iBuffalo City. Oku kuthetha ukuba lo mbutho kuyakufuneka unkazathe neminye imibutho ukuba usakufuna ukugcina ulawulo kwaba masipala. u Ayabonga Kekana ubambe oludliwano ndlebe.....
Save video to ...
