Middagvervolgverhaal
'n Radiovervolgverhaal wat jou verbeelding vrye teuels gee.
KERSVERSIERINGS VAN HOOP deur Joe Kleinhans – Episode 20
Emma is nog lank nie klaar om Lena en Hannes te verras nie. Emma en Ben word onverwags na die parkie naby hulle huis genooi, en hulle beleef ‘n onvergeetlike dag. ‘n Vreemde vrou klop aan Lena-hulle se voordeur.
KERSVERSIERINGS VAN HOOP deur Joe Kleinhans – Episode 19
Die kersversierings is afgehaal omdat daar net eenvoudig nie tyd is om die Kersboom te versier nie. Dis asof daar aanmekaar verskonings is dat dit nie gebeur nie. Wanneer die nuwe Hollandsprekende kersversierings boonop voorkeurbehandeling kry, is die gevestigde kersversierings in sak en as.
KERSVERSIERINGS VAN HOOP deur Joe Kleinhans – Episode 18
Daar is skielik net nie ‘n einde aan Tinsel se blink idees vir pakkamerproduksies nie. Hy is vas van plan om al die kersversierings te betrek. Ben moet bontstaan om seker te maak sy ma en pa kom nie agter wat besig is om by die huis te gebeur nie. Oupa Krismis stof Rudolf die Rooineus Takbok behoorlik af.
KERSVERSIERINGS VAN HOOP deur Joe Kleinhans – Episode 17
Ben moet vroeg opstaan, want meneer Eben Glas daag by die huis op met sy werksvragmotor vol verrassings. Wat het Lux oorgekom? Ben praat onverwags verrassend mooi met die kersversierings. Worsie is weer op sy ergste, en hy gee van die kersversierings hope gas.
KERSVERSIERINGS VAN HOOP deur Joe Kleinhans – Episode 16
Die huisgesin stres oor Hannes. Emma moet in leketaal vir Lena beduie wat gaan vir wat. Emma voer baie planne in die mou, wat Lena en Hannes heeltemal onkant vang. Daar is goeie nuus oor Worsie. Die kersversierings bestudeer die tekening wat Emma gemaak het oor hoe sy die Kersboom wil versier. Nie een van die kersversierings hou van Emma se tekening nie.
KERSVERSIERINGS VAN HOOP deur Joe Kleinhans – Episode 15
Hannes gee vir Emma grys hare. Worsie maak skandes, en dryf Lena teen die mure uit. Wat gebeur? Blink is bekommerd oor hoe sake deesdae in die huis verloop. Met wie deel hy sy kommer? Die dag kan nie op ‘n meer ontstellende noot eindig nie.
KERSVERSIERINGS VAN HOOP deur Joe Kleinhans – Episode 14
Tinsel onthou sy jeugdroom, en hy glo dis tyd om dié droom vlerke te gee. Waaroor gaan dit? Daar is nog ‘n liederlike bekgeveg in die tuin. Oupa Krismis praat Luma moed in. Een van die nuwe Hollandsprekende kersversierings is besig om kop en skouers bo die ander uit te staan. Wie is hy? Wat beplan hy?
KERSVERSIERINGS VAN HOOP deur Joe Kleinhans – Episode 13
Nog ‘n kersversiering steek ‘n spoggerige toespraak af. Dis duidelik dat daar voortaan Hollands in dié huis gepraat sal word. Lena besluit sy moet iets doen om vir Hannes te help. Wie help haar? Nóg ‘n ontvoering word aangemeld, en laat die kersversierings skarrel. Oupa Krismis raak kwaai.
KERSVERSIERINGS VAN HOOP deur Joe Kleinhans – Episode 12
Die chaos van die aand noodsaak ‘n netjiese toespraak. Wie steek dit af? Ben kom uiteindelik uit die hospitaal, wat beteken Rudolf, vol stories, is weer deel van die kersversierings. Daar is ‘n liederlike bekgeveg in die tuin. Gloria fnuik die volgende ontvoering. Worsie verbreek sy stilte oor sy besoek aan die veearts.
KERSVERSIERINGS VAN HOOP deur Joe Kleinhans – Episode 11
Lena probeer keer dat ‘n sekere operasie gedoen word. Tinsel maak uiteindelik sy opwagting, en al die kersversierings wil weet waar Rudolf hom so goed weggesteek het. Emma se hulp word ingeroep om met Worsie te help. Sy het ook nuwe planne met die Kersboom. Die aand eindig op ‘n taamlik chaotiese noot.
KERSVERSIERINGS VAN HOOP deur Joe Kleinhans – Episode 10
Oupa Krismis is erg ongelukkig oor Gloria en Blink se nagkaperjolle, en hy draai geen nie doekies daaroor om nie. Hannes kry uit die bloute ‘n vreemde versoek. Ben kry ‘n onverwagse besoek in die hospitaal. Lena is erg bekommerd oor haar hart se punt.
KERSVERSIERINGS VAN HOOP deur Joe Kleinhans – Episode 9
Terwyl Worsie erg ontsteld is, is Lena weer baie opgewonde. Emma deel ‘n brokkie nuus met Lena, wat ruk aan haar moederhart. Die Kersliggies, Luma en Lux, is op ‘n missie. Hulle besluit dis tyd om ‘n bietjie sielkunde op die bullebak van die huis toe te pas.
KERSVERSIERINGS VAN HOOP deur Joe Kleinhans – Episode 8
Hannes loop hom onverwags vas in iemand wat vol dreigemente en prokureursbriewe is. Dit ontstel vir Ben. Oupa Krismis verlang hom stukkend na sy jongdae. Blink is nie naastenby so opgewonde soos Oupa Krismis nie. Gloria bedink ‘n blink plan.
KERSVERSIERINGS VAN HOOP deur Joe Kleinhans – Episode 7
Meneer Eben Glas doen sy jaarlikse besoek, en hy is vol verrassings. Worsie die Verskriklike skakel oor na vyfde rat, en hy gee die kersversierings ekstra gas. Daar is ‘n kersversiering wat besluit aanval is die beste manier van verdediging teen Worsie se skrikbewind.
KERSVERSIERINGS VAN HOOP deur Joe Kleinhans – Episode 6
Lena krimp byvoorbaat inmekaar toe sy weer vir ‘n koffietjie met ‘n soetdingetjie genooi word. Dit draai die knop op haar maag al hoe stywer. Die skokke hou net nie op nie. Een van die kersversierings ontpop as ‘n bekwame vakman met ‘n skroewedraaier en ‘n draadstroper in die hand. Skielik is daar meer van ‘n Kersatmosfeer in die huis.
KERSVERSIERINGS VAN HOOP deur Joe Kleinhans – Episode 5
Ben moet na ‘n ander hospitaal verskuif word. Hoekom? Daar is drama in die tuin wanneer die verdwene kersversiering van aangesig tot aangesig met sy hartelose ontvoerder te staan kom. Lena word genooi vir ‘n lekker koffietjie saam met ’n soetdingetjie, en sy besef gou dit was nie om dowe neute nie. Hannes kry ‘n oproep wat hom gooi.
KERSVERSIERINGS VAN HOOP deur Joe Kleinhans – Episode 4
Hannes en Emma ry inderhaas Harrismith toe. Die kersversierings besluit dis tyd om Worsie aan te vat. Die situasie in Harrismith se hospitaal is vloeibaar, en lewer nie dadelik al die antwoorde op waarna Hannes en Emma so naarstigtelik op soek is nie.
KERSVERSIERINGS VAN HOOP deur Joe Kleinhans – Episode 3
Die kersversierings is hoogs ontsteld oor die verdwene kersversiering. Hulle weet daar kan net een sondebok wees. ‘n Groot soektog word van stapel gestuur. Hoe suksesvol is dit? Emma kry ‘n oproep wat haar erg ontstel.
KERSVERSIERINGS VAN HOOP deur Joe Kleinhans – Episode 2
Lena besef haar kinders is nie meer beskikbaar om haar met die Kersboom se versiering te help nie. Dít en die matriekwegbreek, ruk aan haar hart. Die leënes-sindroom word al hoe meer ‘n nare werklikheid. En terwyl een kersversiering reggemaak word, verdwyn ‘n ander een spoorloos.
KERSVERSIERINGS VAN HOOP deur Joe Kleinhans – Episode 1
Omdat Hannes en Lena in huise met ‘n Kersboom en kersversierings groot geword het, maak hulle hulle hullw dogter Emma en seun Ben, met dieselfde tradisie groot. Maar Emma is verpleegsterskollege toe en Ben wat pas matriek geskryf het, wil universiteitskoshuis toe. En skielik staan die boks vol kersversierings vergete in die pakkamer.
Save video to ...
