listen to Mahlakung
Mahlakung
Enter Mahlakung! a drama that plunges listeners into a world where reality bites hard and emotions run wild. Set in a South African village, this gripping drama follows a diverse cast through a maze of suspense, intrigue, and tension. From crime to corruption, poverty to power struggles, it's a rollercoaster ride.
Episode 4228
#Mahlakung –Phetola o leka go fekeetša Jonjon gore ngwana wo Mabatho a mo imilego a reelelwe maina a ka dipukuntšung le a sebjalebjale e sego ka batswadi ba gagwe.Naa ngwana yo ke nnete o ya go reelela ba ga Sethosa goba ba ga Lethebe, goba Mabatho o tla e fenya ya go reelela maina fela e sego a lapa?
Episode 4227
#Mahlakung-Alfios o tshwenywa ke gore ge ba ka tlogela Rethabile le Robert ba nyalana , ge Rethabile a ka ima ngwana wa gagwe ba tla e kgona taba ya go fediša yena Robert le ngwana wa gagwe woo Rethabile a tla bego a mo imile? Etse taba ye e ke diragala ya gore Rethabile a ime ngwana wa Robert, kemoka maano a bona a go mmolaya a folotše?
Episode 4226
#Mahlakung –Bophelo bo a fetoga, batho ba a fetoga,re kwa Bra Bizza a eletša Titi ka taba ya gore a tlogele go lwela gore ngwana wa Badgirl le Kgokong a feleletše a le diatleng tša Rethabile, re kwa a mmotša gore mo bophelong o ka se fenye dintwa kamoka.Naa se se re botša eng ka Bra Bizza, o sokologile goba go diragala eng ka yena?
Episode 4225
#Mahlakung –Tumi o befeletšwe Saki ge a mmotša gore Sophia o mo reketše marokgwana a ka gare, e bile o mmotša gore e ka se kgonagale ya gore a ratane le Sophia ka gore e be e le motho wa gagwe.Naa ge motho a kgaogane le motho, ke phošo gore motho yowe a ratane le mogwera goba moleloko wa gabo yoo a kgaoganego le yena?
Episode 4224
#Mahlakung –Kgokong o botša Saki gore o nyaka go tšeela Badgirl plaka gore a ikhuše go hlwa a sekišwa ge a fihla gae, e bile re kwa a nale maikutlo a go ikamoga bophelo gore a ikhutše.Ba gona banna bao ba dirago seo Kgokong a se dirago sa go ya gae ba sa ipone ka ge go nale mathata dikamanong tša bona.Naa go nale dikeletšo tšeo re ka ba fago tšona gore ba lebagane la mathata a a bona ba a rarolle ntle le go tšea diplaka goba gona go ikamoga bophelo?
Episode 4223
#Mahlakung –Monica le Alfios ba nale letšohgo la gore Robert o ya go bolaya Rethabile ge a sena go mo nyala.Naa go nale seo ba ka se dirago go thibela se ?
Episode 4222
#Mahlakung-Mmalo!Titi o bolela gore ge e le gore Rethabile o nyaka go apara roko ye tšhweu yeo a e llelago, o tlo e apara gomme ka morago a apara ye ntsho, a lla go fihla ge yena ka boyena a ikhomotša? Naa Titi o hlatha eng ka mantšu a a bohloko gakaaka?
Episode 4221
#Mahlakung –Jonjon o abelana toro ya gagwe ya go wela ka meetsing a mantšhi batho ba mo hlaletše ba sa mo thuše , eupša ge Phetola a fihla, ya ba yena a mo thušago a mo ntšhago ka go wona.E bile re kwa a botšha Phetola gore ke monna wa go loka e bile a mo akela mahlatse a katlego go tšwa go Modimo.Naa toro ye ya Jonjon e hlatha eng?
Episode 4220
#Mahlakung –Mabatho le Jonjon ba dijong restaurenteng ,Mabatho o thoma go selelwa ,o kwa monkgo wa muši woo o sego gona .Naa Mabatho o imile goba go diragala eng ka yena.Gona ge a imile o imišitšwe ke mang magareng ga monna wa gagwe Jonjon le Phetola?
Episode 4219
#Mahlakung –Bra Bizza o botša Sophia gore yena le Phetola ba kitima meriting ya mabitla a bona.Naa Bra Bizza o hlatha eng ka mantšu a a go tšhoša gakaaka?
Episode 4218
#Mahlakung –#Mahlakung –Monica wa Motlaika o tlotše ka lipstick ya mabethela, o botša Malehu gore bjale ke nako ya gore a ipshine ka bokgekolo bja gagwe le gore go tšofala yo a ratago.Naa ke phošo ge batšofe ba tlola ka dilipstick ,ba dira manala a diatla le maoto(manicure le pedicure) , le moriri ba o otlolla goba ba apara diwiki bjalo ka Monica goba ke nnete go tšofala yo a ratago?
Episode 4217
#Mahlakung-Segagabo rena se re ,”ngwana magana go botšwa o wetše dikomeng a re dikoma ke tšešo”.Naa re ka bona Rethabile a wetše ka gare ga mathata ka lebaka la go hloka tsebe ga gagwe.Ga a theeletše mmagwe Titi, koko wa gagwe Mamabona,motswala wa gagwe Mochichi le malome wa gagwe Matsobane.Lerato le mo hlakantšhitše hlogo ka nnete.Gona ge a tsene ka gare ga mathata ba swanetše go mo thuša goba ba mo tlogele a a rarolle ka bo yenae be thuto go yena le kamoso?
Episode 4216
#Mahlakung –Bjalo gona Phetola le Mabatho ba thoma go fetelela, ekwa fela ge Mabatho a laletša Phetola go tla ga gagwe le Jonjon , a lokele koloi ya gagwe ka karatšheng.Naa sephiri se sa bona se tlo lotega nako ye kaakang ka gore bjale gona ba iketlile kudu?
Episode 4215
#Mahlakung – Badgirl le Kgokong ba baka sellathekeng sa Kgokong ka ge Badgirl a be nyaka go bona gore Kgokong o bolela le mang.Naa Badgirl o nale maloka a go phuruphutša sellathekeng sa Kgokong go bona melaetša le go lebelela gore Kgokong o be a bolela le mang mogaleng wa gagwe bjale ka molekane wa gagwe goba ga a na maloka?
Episode 4214
#Mahlakung –Kgokong o kwagala a thabela go kopana le Sophia ga gagwe.Naa re ka bona Kgokong a itahletše go Sophia a ratana le yena ka lebaka la mathata a kamano ya gagwe le Badgirl?
Episode 4213
#Mahlakung –Jo nna wee !Sophia o kgopela Tumi gore a mo fe dinomoro tša Sakkie.Naa Sophia o šetše a inyakela wo Saki ka lebaka la dimilione tša diranta tšeo a nago le tšona ,gona ge go se bjalo o iša kae dinomoro tša Saki?
Episode 4212
#Mahlakung-Saki o gana go beeletša tšhelete ya gagwe ya go balelwa go dimilione tše seswai tša diranta pankeng ge Petronella a mo eletša go beeletša pankeng .Saki o belalela gore mašokotšo a gona ke a mannyane kudu.Naa Saki o šetše a thomile go ikgogomoša goba ke nnete mašokotšo a ke a mannyane, gona o ya go beeletša kae moo tšhelete ya gagwe e yago go oketšega ka pela ka bontšhi bjoo yena a bo nyakago le go bolokega?
Episode 4211
#Mahlakung –Dr Lethebe, Matsheko o a belaela ga a thabele ditheto tšeo monna wa gagwe a mo fago tšona tša gore phala basadi kamoka mo lefaseng.O kwagala a gononwa gore go nale mokgwa ka ditheto tše tša monna wa gagwe Phetola.Naa re ka re Matsheko o hloka tebogo goba maikutlo a gagwe a mo lemoša se sengwe?
Episode 4210
#Mahlakung –Rethabile o file Gogo wa facebook R4 500 gore a mo lebelele tša ditherišano tša magadi a gagwe le ba ga Nchaupe gore di tla sepela gabotse naa.Masedi o botša Rethabile gore ke setlatla sa go radiiwa gabonolo .Naa Gogo wo wa Facebook ke ngaka ya nnete goba ke moradiya?
Episode 4209
#Mahlakung –Mochichi o botša mmagwe Petronella gore yena ga a nyake go ba le lapa ka ge lenyalo le hlakiša le dira gore motho a se ipshine ka bophelo,go swana le Kgokong le yena Petronella.Naa seo bana ba golago ba se bona, se ama bokamoso bja bjona?
Save video to ...
