Izivakashi Ezingasazi Isikhathi Sokuhamba | Asikhulume

Umuntu angahlala isikhathi esingakanani emzini wakho noma kini engakabi yisivakashi esesidlulelwe isikhathi?

Imisebenzi Ethusayo Nengajwayelekile | Asikhulume

Akusibo bonke abantu abazoba ngodokotela, ama-Marketing Director noma izicishamlilo. Eqinisweni, akusibo bonke abafisa ukwenza lemisebenzi. Abanye abantu banezintshisekelo, amakhono nezifiso ezibaholela emisebenzini esingakaze siyicabange ukuthi ikhona. Ngakho-ke namhlanje sifuna ukuzwa kuwena, mhlawumbe nguwe owenza umsebenzi abantu abahlale bekubuza imibuzo ngawo ngoba abawuqondi, awusixoxele ngawo.

Chef Felicia of Hot Dish | Ekhishini Lika Mamkhulu

Black Friday: Ingabe Wonga Imali Noma Uyengelwa Ekuthengeni Izinto Ongazidingi? | Mthengi Gada Iphakethe Lakho

I-Black Friday yaziwa ngezaphulelo ezinkulu, kodwa umbuzo uthi, ingabe siyonga imali ngempela noma siyengelwa ekuthengeni izinto ebesingazidingi? Namuhla sikhuluma nochwepheshe wezezimali ngokuthi singayisebenzisa kanjani i-Black Friday ngobuhlakani ngaphandle kokulimaza amaphakethe ethu.

Ukumiswa Kwe AGOA | Siqalaza Phesheya

Ngesonto eledlule, uMengameli waseMelika uDonald Trump umemezele inhloso yakhe yokuhoxisa iNingizimu Afrika ohlelweni lwe-African Growth and Opportunity Act (AGOA) kusukela mhla lu-1 kuMasingana ngonyaka ozayo. Lesi sinqumo singaba nomthelela kumabhizinisi athumela imikhiqizo eMelika, emnothweni nasekuvulekeni kwamathuba emisebenzi. Kodwa-ke, sekukhona olunye uguquko kwezepolitiki zaseMelika. Ngabe lokhu kungaba yithuba lokuthi iNingizimu Afrika iphinde ixoxisane neMelika? Sizama ukuqonda konke lokhu kanye nomhlaziyi wezobudlelwano bamazwe omhlaba nezepolitiki.

Ukuqonda Okwenzeka Ngemuva Kokhetho loHulumeni BaseKhaya | Ingalo Yomthetho

Imiphumela yokhetho loHulumeni BaseKhaya seyimenyezelwe, kodwa komasipala abaningi umsebenzi wokwakha uhulumeni awukapheli. Njengoba kunemikhandlu eminingi lapho lingekho iqembu lezepolitiki elithole iningi eliphelele lezihlalo, amaqembu manje kufanele ahlale phansi axoxisane ukuze akhe imifelandawonye ezowaholela ekuphathweni komasipala. Sizama ukuqonda ukuthi yini elandelayo njengoba amaqembu ezepolitiki engena ezingxoxweni zokwakha ohulumeni bemifelandawonye, nokuthi lokhu kungaba namuphi umthelela ekuphathweni komasipala bethu.

Isibindi Sokuqala Kabusha | Kubamba Ezingelayo

Empilweni akuhlali kuhamba ngendlela esihlele ngayo. Kunezikhathi lapho umuntu ezithola elahlekelwe umsebenzi abewuthanda, ibhizinisi lingaphumeleli, ubudlelwano buphela, izimali zingasahlangani noma avele abone ukuthi indlela ahamba ngayo ayisamyisi lapho efuna ukuya khona. Kodwa-ke, enye yezinto ezinzima kakhulu akukhona njalo ukubhekana nokwehluleka, kodwa ukuthola isibindi sokuvuma ukuthi sekumele uqale kabusha. Namhlanje sikhuluma ngesibindi sokuqala phansi, ukwamukela izinguquko kanye nokwakha kabusha impilo noma ngabe usubhekene nani.

Chef Mbaliyezwe | Ekhishini Lika Mamkhulu

Ekse Kuhambani Voting Edition | Asikhulume

Namhlanje abantu baseNingizimu Afrika bavotela ukukhetha abaholi abazobamela futhi baphathe omasipala babo eminyakeni emihlanu ezayo. Ukhetho loHulumeni Basekhaya lubaluleke kakhulu ngoba yilapho izinqumo ezithinta impilo yethu yansuku zonke zithathwa khona. Sithinte, usitshele ukuthi ukuphi, yini oyibonayo nokuthi kwenzekani emphakathini wangakini.

Intsha yaseNingizimu Afrika Ishintsha Indlela Okusebenza Ngayo iziStokvel | Mthengi Gada Iphakethe Lakho

Ama-Stokvel kudala aziwa njengendlela yokuhlanganisa imali ukuze kongiwe noma kubhekwane nezidingo ezithile. Kodwa-ke, intsha yaseNingizimu Afrika isiqala ukuwasebenzisa ngendlela ehlukile, Ucwaningo olwenziwe abakwa-Ipsos luveza ukuthi iStokvel sesiyadlisa nakubantu abasha, asebeqala ukusisebenzisa hhayi nje ukongela ukudla noma ukuphela konyaka, kodwa nokutshala imali kwimizi, ukuqala amabhizinisi nokuzakhela ingcebo.  Lezi ngezinye zezinto esizixoxa nongoti wezezimali.

Ingxoxo noPinky Mpontshane Olibangise kumaAfrican Skills Olympics eAlgeria | Siqalaza Phesheya

Emkhakheni wemisebenzi yezandla nobuchwepheshe, kusekhona imibono yokuthi eminye imisebenzi ingeyabesilisa kuphela. Kodwa-ke, kukhona abantu besifazane abaqhubeka nokuphula leyo mingcele, bekhombisa ukuthi ikhono, ukuzimisela nokuzikhandla akuncikile ebulilini bomuntu. UPinky Mpontshane, waseMfolozi TVET College, ungomunye walabo bantu. Ngemuva kokumela iNingizimu Afrika emqhudelwaneni wamazwe omhlaba wokushisela i-International Welding Skills Competition eShanghai, eChina, manje usekulungiselela enye inselelo enkulu, okuyi-African Skills Olympics e-Algeria, lapho ezobe encintisana khona nabanye abantu abanamakhono ahlukene ezwenikazi.

Amalungelo Nezibopho Zabavoti Okhethweni Lohulumeni Basekhaya | Ingalo Yomthetho

Njengoba iNingizimu Afrika ibheke okhethweni lohulumeni basekhaya kulelisonto, kubalulekile ukuthi abavoti baziqonde kahle izinqubo zokuvota, amalungelo abo kanye nezibopho zabo ngaphansi komthetho. Namuhla sixoxa nongoti wezomthetho ukuze asicacisele ukuthi umthetho uthini, yimaphi amalungelo omvoti nokuthi yini okufanele umuntu ayenze uma ehlangabezana nezigameko ezingahambisani nomthetho ngesikhathi sokhetho.

Graduate Zidayise | Kubamba Ezingelayo

Izibalo zakamuva zokuntuleka kwemisebenzi eNingizimu Afrika zikhombisa ukuthi inkinga iyaqhubeka nokukhula, ikakhulukazi entsheni nakubantu abafundile. Baningi abaneziqu, abanama-diploma namakhono adingekayo emhlabeni womsebenzi, kodwa abasathola kunzima ukuthola amathuba. Abanye sebethumele ama-CV ezinkampanini eziningi, abanye baya ezingxoxweni zomsebenzi kodwa bangaphinde bathole mpendulo, kanti abanye sekuphele iminyaka belinde ithuba lokuqala ukusebenza. Kodwa umbuzo uthi, kunjani ukuphila nokubhekana nezinselelo uma ufundile kodwa ungasebenzi?

Amathuba Emisebenzi - 02 November 2026

19.10.26 Podcast (Ingalo Yomthetho)

Ingabe iNingizimu Afrika Kufanele Ibuyise Imigomo Yotshwala Yangesikhathi se-COVID-19? | Asikhulume

Ukuyeka Umsebenzi Ulandele Iphupho Lakho | Kubamba Ezingelayo

Baningi abantu abanamaphupho abafisa ukuwafeza, kungaba ukuqala ibhizinisi, ukungena komunye umsebenzi noma ukuguqula ithalente labo libe yindlela yokuziphilisa. Kodwa inselelo iba nkulu uma lelo phupho lidinga ukuthi ushiye umsebenzi okuholelayo, udele ukuphepha kwezimali obukujwayele, ungene endleleni ongazi ukuthi izokuholelaphi. Sifuna ukwazi ukuthi umuntu angasuka kanjani ekubeni nephupho nje aye ekulenzeleni impilo yakhe.

Ingabe i-SARS ingadonsa imali oyikweletayo ngqo emholweni wakho?

Kujwayelekile ukuthi uma ukweleta imali, kube nguwe othatha izinyathelo zokuyikhokha. Kodwa bewazi yini ukuthi i-South African Revenue Services (SARS) ingayalela umqashi wakho ukuthi adonse imali oyikweletayo emholweni wakho, ingene ngqo esikweletini sakho sentela? Namuhla sixoxa nomcwaningi mabhuku ukuze sikuqonde kahle ukuthi loluhlelo luzosebenza kanjani, nokuthi yini okufanele uyenze ukuze ungazitholi usumangazwa ukudonswa kwemali emholweni wakho.

Uthini Umthetho Ngesiqashi Esinqaba Ukuphuma Emqashweni? | Ingalo Yomthetho

Yini Ekucasula Kakhulu Ngabashayeli Emgwaqeni? | Asikhulume

Njengoba kuyinyanga yezokuthutha, sibheka indlela esiziphatha ngayo emigwaqeni yethu nokuthi izenzo zethu njengabashayeli zinomthelela muni ekuphepheni kwabanye abantu. Njengomshayeli, umgibeli wetekisi, ohamba ngezinyawo noma osebenzisa ibhayisikili, yimuphi umkhuba wokushayela okufanele siyeke ukuwubekezelela emigwaqeni yethu, futhi yini ocabanga ukuthi ingaguqula le ndlela yokuziphatha?