Yini Ekucasula Kakhulu Ngabashayeli Emgwaqeni? | Asikhulume

Njengoba kuyinyanga yezokuthutha, sibheka indlela esiziphatha ngayo emigwaqeni yethu nokuthi izenzo zethu njengabashayeli zinomthelela muni ekuphepheni kwabanye abantu. Njengomshayeli, umgibeli wetekisi, ohamba ngezinyawo noma osebenzisa ibhayisikili, yimuphi umkhuba wokushayela okufanele siyeke ukuwubekezelela emigwaqeni yethu, futhi yini ocabanga ukuthi ingaguqula le ndlela yokuziphatha?

Kungani Abanye Abalimi Bethola Isivuno Esihle Kanti Abanye Bengaphumeleli? | Umphako Wemvelo

Ukulima kuyindlela yokuziphilisa, kodwa futhi kuwumsebenzi odinga ulwazi, ukubekezela nokwenza izinqumo ezifanele. Siyaye sibone umlimi etshala athole isivuno esihle, kanti omunye etshale into efanayo, ngesikhathi esifanayo, kodwa agcine elahlekelwe noma engatholanga isivuno abesilindele. Ngabe umehluko usuke ukuphi? Namuhla sithi asifundisane, sizwe kochwepheshe asebenesipiliyoni ukuthi yiziphi izindlela ezingasiza umuntu ukuba athole isivuno esihle, nokuthi singalusebenzisa kanjani lolu lwazi ukuze sithuthukise ukulima kwethu, kungakhathaliseki ukuthi silima ensimini enkulu noma engadini yasekhaya.

Ingxoxo noMawhoo

Umthethosisekelo Wase Ningizimu Afrika Ngabe Udinga Ukuchitshiyelwa? | Ingalo Yomthetho

Uma sibheka izinselelo ezibhekene nabantu baseNingizimu Afrika namuhla, kusukela ebugebengwini, enkohlakalweni, ekuswelekeni kwemisebenzi nasekungahlinzekweni kwezidingo zomphakathi, kuye odabeni lwabantu bakwamanye amazwe abangena kuleli kungemthetho, kunabantu asebeqala ukubuza ukuthi ingabe uMthethosisekelo wethu uyazifeza yini izithembiso zawo. Namuhla sifuna ukuzwa kuwena ukuthi ingabe uMthethosisekelo udinga ukuchibiyelwa, futhi ikuphi obona ukuthi kudinga ukufakwelwe izibuko ngokushesha?

Ama-Study Care Packs Abafundi: Ukweseka Ingane noma Ukufaka Ingcindezi Kwabanye? | Asikhulume

Njengoba abafundi bakaMatikuletsheni bebhala izivivinyo zabo zokugcina, kunomkhuba osudonse amehlo abantu abaningi ezinkundleni zokuxhumana, lapho abazali abaya ezikoleni beyoshaya iTadaa ezinganeni zabo ngama-study care packs. Lama study care packs angaba nokudla okulula, iziphuzo, izinto zokubhala nezinye izinto ezisiza umfundi ngesikhathi sezivivinyo. Umbuzo-ke uthi ingabe inkinga yilesi senzo ekuthiwa esokweseka ingane, noma yindlela esenziwa ngayo, ikakhulukazi uma senziwa obala phambi kwabanye abafundi?

Ngabe Uthenga Ngendali Noma Iphakethe Alikagqobhoki? | Mthengi Gada Iphakethe Lakho

Ukwazi Kangcono IJaji uNavi Pillay | Siqalaza Phesheya

Namhlanje sithi ake simazi kangcono iJaji uNavi Pillay, waseNingizimu Afrika ohlonishwe nge-Nobel Peace Prize ka-2026 ngomsebenzi wakhe kwezobulungiswa namalungelo abantu. Sizobheka uhambo lwakhe, igalelo lakhe ekulweni nokungabi nabulungiswa emhlabeni, ukusabela kukaMengameli waseMelika uDonald Trump kulo mklomelo, kanye nemibono ehlukene yamazwe ngamazwe. Sixoxa nomhlaziyi wezombusazwe nobudlelwano bamazwe ngamazwe.

Ukuzilungiselele Izivivinyo Zokugcina ZikaMatikuletsheni Ngokomqondo | Kubamba Ezingelayo

Izivivinyo zokugcina ZikaMatikuletsheni sesingathi sezifikile njengoba kuqalwa ukubhala kusasa, kanti kubafundi abaningi lokhu kuhambisana novalo, ingcindezi nokukhathazeka ngekusasa. Kodwa ukuzilungiselela akugcini ngokufunda kuphela, kubalulekile nokuzilungiselela ngokomqondo. Namuhla sixoxa nongoti wokusebenza kwengqondo, ngokuthi abafundi nabazali bangabhekana kanjani nale ngcindezi ukuze abafundi babhale izivivinyo bezethemba futhi bezolile.

Izivivinyo Zokugcina ZikaMatikuletsheni | Asikhulume

Izivivinyo zokugcina zikaMatikuletsheni sezisondele, kanti kusukela ngomhlaka-13 kuMfumfu abafundi bebanga lesi-12 bazobe sebeqala ukubhala. Namuhla sifuna ukungena emakhaya sibheke ukuthi kwenzekani ngempela njengoba izivivinyo zikaMatikuletsheni ziqala ngesonto elizayo?

Umcimbi we-Scorpion Kings noYoung Stunna

Taxi Etiquette: Yini Eyenza Umgibeli Abe Muhle? | Asikhulume

Uma sikhuluma ngezokuthutha, sivame ukukhuluma ngokuphepha kwabashayeli, kodwa kuthiwani ngomgibeli? Ukuba ngumgibeli wesithuthi somphakathi akugcini nje ngokukhokha imali nokufika lapho uya khona. Nathi njengabagibeli sinendima ekwenzeni uhambo lube phephile, luhlonipheke futhi lube lula kuwo wonke umuntu, okubala thina sodwa njengabalaleli.

Ukudla Okungasindi Kwasehlobo | Ekhishini Lika Mamkhulu

Kulengosi sibheka ukudla esekumele siqale sikudle njengoba kuphuma isikhathi sobusika lapho besidla khona ukudla okusindayo. Njengoba sikuNtwasa-Hlobo, ikuphi ukudla okulula futhi okunempilo esingaqala sikudle?

Umthetho Olawula Izindlu Zoxhaso lukaHulumeni | Ingalo Yomthetho

Izindlu zomxhaso, phecelezi  iReconstruction and Development Programme (RDP)  housing isiza izinkulungwane zemindeni ukuthi zithole ikhaya. Kodwa uma usuyitholile le ndlu, uyazi yini ukuthi umthetho uyakuvumela ukuthi wenzeni ngayo? Namuhla sibheka amalungelo nemikhawulo ehambisana nezindlu zomxhaso, nokuthi yini okufanele uyazi ukuze ungazitholi usenkingeni yomthetho.

Isithunzi Sakho vs Ubuwena | Kubamba Ezingelayo

Kukhona umehluko phakathi kokuthi abantu bakubona kanjani nokuthi ungubani ngempela. Isithunzi, phecelezi iReputation, sakho sakhiwa yindlela abantu abakubona ngayo, kodwa ubuwena, phecelezi iCharacter, indlela oziphatha ngayo nalapho kungekho muntu okubukayo. Kule nkathi lapho abantu bechitha isikhathi esiningi bezama ukulawula indlela ababonakala ngayo, umbuzo uthi ngabe sigxile kakhulu ekwakheni isithunzi esihle, noma ekwakheni ubuwena obuqotho?

Ulwazi Lwezendabuko Kwezolimo | Umphako Wemvelo

Ngaphambi kobuchwepheshe nezinhlelo zesimanje zokubikezela isimo sezulu, lezi kwakuyizinto ezazifundwa yizizukulwane kubazali, ogogo nomkhulu, ngokubheka imvelo, umhlabathi, izinkathi zonyaka kanye nezimpawu zesimo sezulu. Namuhla sixoxa ngokuthi lolu lwazi lwendabuko lungabasiza kanjani abalimi abasafufusa nalabo abafuna ukuqala ukulima emakhaya.

Idlozi vs Ithongo | Asikhulume

Top Billing Top 10 Finalist - Gugu Karen Mthethwa

Davenport Shisanyama | Ekhishini Lika Mamkhulu

Ukhokhela Izinto Ezingaki Ongazisebenzisi? | Mthengi Gada Iphakethe Lakho

Wake wabheka i-bank statement yakho wathola ukuthi sekuphele izinyanga ukhokhela into ongayisebenzisi? Mhlawumbe yi-gym owawuzimisele ukuya kuyo njalo ngoJanuwari. Noma i-subscription oyibhalisela ukubuka into ethile, kodwa sekuphele izinyanga ungakayivuli. Kungaba i-app, i-cloud storage, i-membership, unshwalense owengeziwe, noma okunye okusonsa imali njalo ngenyanga. Umbuzo wethu uthi ngabe zingaki izinto ozikhokhelayo njalo ngenyanga kodwa ongazidingi futhi ongazisebenzisi?

Umhlangano we-UN | Siqalaza Phesheya

Umhlangano we-United Nations ubuphakamise izindaba ezibalulekile ezithinta ubudlelwano bamazwe, kanti iNingizimu Afrika ibhekene nokungezwani neMelika kanye nenkulumo ethi “White Genocide”. Sixoxa nomhlaziyi wezobudlelwano bamazwe ngamazwe ukuze siqonde ukuthi kwenzekeni nokuthi lokhu kuyithinta kanjani iNingizimu Afrika.