Ligwalagwala FM Current Affairs
#podcast TINDZABA 18:00
Inhlangano yelusha lwe ANC i ANCYL iyasemukela lesincumo sendvuna yetekuhwebelana, timboni kanye nekuncintisana Parks Tau, sekuhocisa imigomo lebekulindzeleke kutsi ifake bafundzi labanetikweleti emabhukwini lamnyama kutikhungo letibuke tikweleti. Lenhlangano itsi lesincumo sesetfulo umtfwalo lomkhulu emahlombe ebafundzi labatfwele matima ngekufuna umsebenti, kuvaleleka ngaphandle kulusito lwetimali kanye naletinye tingcinamba tetemnotfo. Lokhulumela i ANCYL kuvelonkhe Zama Khanyase utsi tincumo letifana nalesi kumele tingatsatfwa ngalokutako.......
#podcast NEWS 17:00
Litiko letekuchumana kanye nebuchwepheshe selicoke inkapane i BMIT Knowledge Group kutsi ihlelembise licebo lekulekelela umsakato wesive i SABC ngetimali. Inkapane ye BMIT inkapane yetebuchwepheshe lephindze icwaninge ngetekuchumana, kantsi ikanekise eJozi. Esitatimendeni lelitiko litsi i BMIT inelikhono lelikhetsekile kutemnotfo, kuhlatiya timakethe tetekusakata kanye nenchubomgomo yekulawula tinkapane. Batsi lokuniketwa lomsebenti kuhambisana nesibophelelo sendvuna yetekuchumana Solly Malatsi, sekuhambisa embili kutfola indlela yekulekelela i SABC ngetimali. Malatsi atikhulumela utsetse wabeka ngalendlela.......
#Imphunga - Likomiti letekulima, kuhlelwa kabusha kwemhlaba nemcebo lombiwa phansi ephalamende belivakashele sifundza seMpumalanga.
Likomiti letekulima, kuhlelwa kabusha kwemhlaba kanye netemcebo lombiwa phansi belivakashele lesifundza se Mpumalanga kuleliviki. Lelikomiti litsi belitewubuka tindzaba tekusebenta kwetimayini kanye neticelo tekubuyisela umhlaba kubanikati. Sikhulumisana nasihlalo walekomiti, Mpho Modise.
#Imphunga - Lomunye walabaphila neligciwane lesandvulelangculazi utsi bayakwemukela kwetfulwa kwemjovo i-lenacapavir.
Kuvele tintfo letinyentena letihloswe kulwa neligciwane lesandvulelangculazi kulenkomfa beyibanjelwe kutokhuluma ngalesifo seHIV. Lokunye kwaloko lokuvele kulenkomfa kwekutsi lelive selikulungele kwetfula umjovo i-Lenacapavir lotawutfolwa kabili ngemnyaka nakucala lomnyaka lotako. Sicocisana nalosaphila naleligciwane leHIV iminyaka leli-16, Lebokgang Motsumi.
#Imphunga - iCONTRALESA iphefumula ngesincumo senkantolo yemtsetfosisekelo kutsi indvodza seyingasitsatsa sibongo semkayo.
Mengameli weCONTRALESA Kgosi Mathupa Mokoena utsi abahambisani nalesincumo senkantolo yemtsetfosisekelo lesitsi emadvodza sekavumelekile kusebentisa tibongo tebafati bawo. Lenkantolo yemtsetfosisekelo itsite sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo welive.
#Embiteni - Kushaywe umtsetfo lomusha lotawulawula umkhakha we e-hailing.
Ucala kusasa kusebenta lomtsetfo lotawulawula kusebenta kwematekisi lamancane labhadalwa ngelibanga (e-hailing). Ngaphansi kwalomtsetfo lomusha bashayeli balamatekisi lakhokhwa ngelibanga, nyalo sekulindzeleke babe nelayisensi yekusebenta. Kunaba ngaloludzaba sichumana nalokhulumela litiko letekutfutsa kulelive, Umnuzane Collins Msibi.
#Embiteni - Inkantolo yemtsetfosisekelo incume kutsi emadvodza sekangatsatsa tibonge tebafati bawo.
Inkantolo yemtsetfo sisekelo kuleli incume kutsi emadvodza sekangatsatsa tibongo tebafati bawo. Lenkantolo yemtsetfosisekelo iphindze yatsi sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo njengoba sicwasa ngekwebulili njengoba sayala kuvumela bobabe batsatse tibongo tabomake ngemuva kwemshado. Kukhuluma ngalesincumo senkantolo simeme sati setemtsetfo, Umnumzane Mpumelelo Zikalala lobuya ku-Zikalala Attorneys,
#podcast TINDZABA 17:00
Inyonyana ye National Education, Health and Allied Workers' Union (NEHAWU) esigodzini sase Bohlabela kulesifundza se Mpumalanga, isola litiko letemfundvo ngekunganakekeli tisebenti etikolweni tasemakhaya. Emalunga alenyonyana atsi kube netigameko letinyenti tekugcekeza etikolweni kodvwa lelitiko lehlulekile kuletsa tisombululo. Baphindze bakhale ngekusebenta emahora lamadze ngenca yekushoda kwetisebenti. Bamashele emahhovisi etemfundvo esigodzini sase Bohlabela e Bushbuckridge. Mabhalane we NEHAWU kulesifundza ngu Welcome Mnisi......
#podcast TINDZABA 16:00
Ummeli wenkapane i Netflix Advocate Thembeka Ngcukaitobi utsi Thabo Bester angeke akhale ngekutfunateka stfunti, njengobe angumgulukudvu lowalahlwa ngelicala lekugagadlela kanye nekubulala. Bester na Nandipha Magudumana bafake sicelo lesiphutfumako enkantolo lephakeme e Pitoli njengendlela yekuvimbela i Netflix, kutsi ingasakati umlandvosicephu lonesihloko lesitsi "Beauty and the Bester". Ummeli wa Bester uvakalise kutsi lomlandvosicephu umveta njengenswelaboya. Nobe kunjalo Ngcukaitobi utsi lomlandvosicephu uveta imininingwane lesevele ikhona esiveni.......
#Imphunga - POLICE DOMESTIC
Kunekukhatsateka mayelana netinsolo letitsi emaphoyisa avame kusebentisa tibhamu temtsetfo kulwa timphi tasemakhaya awo. Loku kulandzela sehlakalo sasePitoli lapho liphoyisa lidubule labulala umshana walo nalo lagcina litidubulile. Kantsi kuleliviki leliphelile liphoyisa lelindvodza lidubule singani salo lesiliphoyisa lalimala lapha Kwa-Mhlanga kulesifundza se-Mpumalanga. Kukhuluma ngalendzaba, simeme umhlatiyi wetebugebengu, Dr Mxolisi Mathebula.
#Imphunga - Ibambene ngetihlutfu emkhatsini kwemaXhosa nebeSotho eMatatiele eMphumalanga Kapa.
Lokulwa lokweyamene nebuhlanga emkhatsini walabakhuluma siXhosa kanye neSesotho esigodzini saKwaSibi sekundlulele nase Phuthadichaba Technical High School e- Matatiele esifundzeni sase Mpumalanga Kapa. Simeme intsatseli yeSABC Nkululeko Nyembezi kutosibikela ngalencushuncushu.
#Imphunga - iELRC iphenya ngekugcwala kwabothishela nebafundzi labangekho etikolweni takuleli.
Umkhandlu lobuke tindzaba tetisebenti kutemfundvo, i-Education Labour Relations Council, utsi usukumise luphenyo lekwetama kutfola kutsi bangakhi bothishela lebakhona etikolweni takulelive. Loku kulandzela imibiko lemayelana nekugcwala kwabothishela mbumbulu kanyen nekutsengiswa kwemisebenti etikolweni. Sikhulumisana nemphatsi lophuma kulomkhandlu kulesifundza se-Mpumalanga Moswazi Mabasa.
#Imphunga - HIV/AIDS injection
Lelive leN/A kulindzeleke licophe umlandvo lomusha nakusuka umnyaka lotako mayelana netinhlelo tekulwa nesandvulelangculazi. Kulenkomfa lekhuluma ngetindlela tekulwa nesifo seHIV/AIDS lese-Kempton Park, Umcondzisi jikelele welitiko letemphilo, Dr Sandile Buthelezi, uvakalise kutsi sebakulungele kucala kusabalalisa umjovo i-Lenacapavir lotawutfolwa kabili ngemnyaka. Sicocisene na Dr Eric Khumalo lanelwati lolujulila ngalesifo...
#Embiteni - iNSFAS iphawula ngekufakwa emabhukwini lamnyama kwetitjudeni letikweleta lesikhwama.
Sekunekukhatsateka kubafundzi basemanyuvesi akulelive nakuletinye tikhungo temfundvo lephakeme kulandzela lesiphakamiso sekuchitjiyelwa kwemtsetfo lolawula kutsenga ngetikweleti kulelive. Lokukhatsateka kubangwa kutsi kunetinsolo tekutsi labanye bebafundzi labakweleta emanyuvesi bangahle batitfole bafakwe emabhukwini lamnyama etikweleti. Kutfola kucaciselwa ngaloludzaba, sicocisana nalokhulumela u-NSFAS Umnumzane Ishmael Mnisi.
#Embiteni - Suicide Prevention Day
Njengoba umhlaba wonke uchushisa ngelilanga lekuvikela kutibulala iWorld Suicide Prevention Day,sikhulumisana neMnumzane Moses Mkhabela losati lesitfoba ingcondvo (Clinical Psychologists)
#Embiteni - SAPU ikhala ngekukhungatseka engcondvweni kwemaphoyisa.
Nkomishana wemaphoyisa kulelive Fanie Masemola ugcugcutela emaphoyisa kutsi ayisukumele etulu indzaba yekutfoba ingcondvo kanye nekunakekela simo sawo semphilo. Loku kuta ngemuva kwesehlakalo lapho liphoyisa lase Mamelodi, e Pitoli libambe njengebatfunjwa emalunga emndnei walo cishe sikhatsi lesingema-awa langu 15 kulandzela tinkinga tangekhatsi emndenini. Lesehlakalo siphetse ngekutsi leliphoyisa lidubule libulale umshana walo nalo latidubula. Sikhulumisana namabhalane weSAPU eGauteng, Jabu Mabaso
#Embiteni - Sati ngetebugebengu sitsi busetulu begebengu bekushushunjiswa kwebantfu bangeniswe kulelive.
Sati ngetebugebengu Dr Mxolisi Mathebula utsi kulula kungena nekuphuma eminceleni yakulelive, lekubanga kwandze tehlakalo tekushushunjiswa kwebantfu.
#Imphunga - HIV/AIDS Conference
Hulumende utsi wenta konkhe lokusemandleni kuvala lesikhala lesivuleke ngenca yekuhociswa kwelusito lwetimali loluchamuka eMelika lekwelekelela tinhlelo tekulwa nesifo seHIV/AIDS. Loku kuvakaliswe lisekela lemengameli Paul Mashatile nakakhuluma engcungcutseleni ye-South African National Aids Council. Sicocisana nemcondzisi wemkhandlu lolwa neAIDS eMpumalanga (MPAC), Elphas Nkosi.
#Embiteni - Umnotfo wakulelive ukhule nga-0.8% kukota yesibili kulomyaka.
Ngekusho kwembiko we- Stats SA uveta kutsi umnotfo wakuleli ukhule nga 0.8% kukota yesibili njengoba usuka ku 0.1%. Kwena ngalendzaba sikhulumisana nasomnotfo lophuma ku-Inkunzi Wealth Group, Lunga Mahlaba.
#Embiteni - Masipala wase-Nkomazi utsi bawamisile lamaloli angasese latsengisela bahlali emanti.
Lokhulumela masipala wase-Nkomazi Mbuso Malale utsi inkinga lebangela letinye tindzawo tase-Nkomazi tingawatfoli emanti kutsi usengakapheli lomklamo lomkhulu lotawubaphakela emanti ngalokufanele. Malale utsi bawamisile lamaloli angasese latsengisela bahlali emanti.
Save video to ...
