listen to Ligwalagwala FM Current Affairs
Ligwalagwala FM Current Affairs
#Embiteni - Sibuka lebetihamba phambili kutepolitiki namuhla
Inkantolo yaseMgungundlovu uncume kutsi lichubeke nekutekwa licala laloyi abengumengameli Jacob Zuma kanye neThales ngetulu kwekutsi kusanetikhalo letifakiwe. Kuletinye letentekile, mengameli Cyril Ramaphosa ucoshe indvuna yetekutfutfukisa tenhlalo Sisisi Tolashe. Sikhulumisana nemhlatiyi wetindzaba tembangave Prof Bheki Mngomezulu....
#Embiteni - Litiko letekuvuselelwa kwesimilo likhala ngemagenge emajele.
Litiko letekuhlunyeleliswa kwesimilo livakalise kukhatsateka ngekuchubeka kwemkhuba wemacembu emaGenge emajele. Simeme lisekela lendvuna yelitiko lekuhlunyeleliswa kwesimilo Lindiwe Ntjalintjali kutokhuluma naye ngalendzaba.
#Embiteni - iCOSATU ivakalise kukhatsateka ngetihlalo letabelwe tinhlangano letiyohlanganyela ekomitini letawuphenya ngembiko wase-Phala Phala.
Tinhlangano tepolitiki ephalamende tiniketwe kudzimate kube sevikini lelitako ngaLesihlanu kwekutsi tiphakamisa emagama alabo labatatimela kulelikomiti lelitawubuka lendzaba yekutsatsela tinyatselo mengameli Cryil Ramaphosa ngembiko wase-Phala Phala. Nanobe kunjalo, inyonyana yetisebenti iCOSATU, itsi ikhatsatekile ngendlela tinhlangano tabelwe ngayo tihlalo kulelikomitii. Lokhulumela i-COSATU, Zanele Sabela uyachaza.
#Embiteni - Mengameli Cyril Ramaphosa ucoke emajaji lamasha
Mengameli Cyril Ramaphosa ucoke emajaji lamasha lali-12 kutewuvala tikhala etinkantolo takuleli kantsi loku kufaka ekhatsi nekukhetfwa kwaJaji Aubrey Ledwaba njengemengameli wemajaji e-Gauteng. Kuyibuka lendzaba, sichumana nesati setemtsetfo, Abigail Ngobene lovela ka-AG Ngobene Incorporated.
#Imphunga - Trust Account vs Trust Fund
Namuhla sikhulumisana nenhlangano yebameli i-Legal Practitioners Fidelity Fund (LPFF) mayelana nemehluko emkhatsini weTrust Accounts neTrust Fund. Simthandile Myemane umelele iLPFF.
#Imphunga - Kucasheka kwalabakhubatekile ku-EPWP
Litiko letemisebenti yesive, imigwaco netekutfutsa eMpumalanga liyatiphendvulela kuletinsolo letitsi liyehluleka kucasha bantfu labakhubatekile ku-EPWP. Sicele umphatsi lobuke kusebenta kwaloluhlelo lweEPWP kulelitiko, Mongikazi Malemela.
#Imphunga - iDA ikhala ngekungacashwa kwelabakhubatekile kuEPWP
Inhlangano yeDA kulesifundza se Mpumalanga itsi ikhatsatekile ngekwehluleka kwelitiko letemisebenti yesive kucasha kuletikhala temsebenti betibekelwe bantfu lebakhubatekile ngobe bahola imali yesibonelelo sahulumende. uyiva kancono lendzaba simeme lilunga leDA kusishayamtsetfo sesifundza, Trudy Grover
#Embiteni - Betiphishekile tinkantolo takulelive namuhla.
Betiphishekile tinkantolol takulelive namuhla njengoba Nkomishana wemaphoyisa losamiswe kwesikhashana emsebentini Fannie Masemola, Vusi Cat Matlala kanye nalabanye basolwa bebabovele phambi kwamantji. Kucoca kabanti ngalendzaba, sichumana nesati ngetebugebengu, Dkt Mxolisi Mathebula.
#Embiteni - iTechnology seyiphocelela kuchumana nge-data, i-Data Communication
Lenye yetinkapani tamakhalekhikhini kulelive leningizimu Africa ivete kutsi iyachubeka naluhlelo lekusebentisa i-Data etinhlelweni tekuchumana. Ingabe bantfu baseNingizimi Africa bakulungele kuchumana nge-data njengoba ngaphambilini kuke kwakhalwa ngekubita kakhulu kwayo i-data. Kuva kabanti nge-Data Communication sikhulumisana naSabelo Zimu loyi-Data Protection, Artificial Inteligence and Intellectual Property, enkapanini i-Cybersec Clinique
#Embiteni - #30for30campaign: Umtsetfosisekelo uhlanganisa iminyaka lngema-30 wemukelwa ngalokusemtsetfweni kulomnyaka.
Kulomnyaka kuhlangana iminyaka lengema-30 kwemukelwa ngalokusemtsetfweni umtsetfosisekelo walapha e-Ningizimu Africa. Ngaleyondlela ligumbi letindzaba ka-SABC litawetfulela ticeshana letitawube tibuka futsi tikhuluma ngawo lomtsetfosisekelo walelive. Namuhla kuloluchungechunge lwetinhlelo lesitawube sikwetfulela tona siligumbi letindzaba kaSABC, simeme lomunye lobekayincenye yekudvwetjwa kwemtsetfosisekeli welive, Prof Thuli Thuli Madonsela. #30for30campaign
#Imphunga - iSAMA itsi angeke ibasebentele bantfu bakuleli iNHI nayitawetfulwa ngalendlela ibhaleke ngayo.
Inhlangano yatisebenti tetemphilo i-South African Medical Association (SAMA) itsi lelive lisengakakulungeli kwetfula umshwalense wentempihlo, i-National Health Insurance (NHI) nawutawuyekelwa ngalendlela lobhaleke ngayo. Sikhulumisana nasihlalo weSAMA Mvuyisi Mzukwa.
#Imphunga - MTPA Africa Travel Indaba
Sikhungo lesibuke tekuvakasha netemapaki eMpumalanga, i-Mpumalanga Tourism and Parks Agency (MTPA), iyincenye yetikhungo netinhlangano letihambele umbutsnao wetekuvakasha i-Africa Travel Indab, eThekwini esifundzeni saKwaZulu Natal. Sibite lokhulumela i-MTPA, Simphiwe Shungube.
#Embiteni - Tenyukile tibalo tebantfu labangasebenti kulekota yekucala yalomnyaka.
Tibalo takamva letikhishwe lihhovisi letibalo, i-Stats SA, tikhombisa kutsi tibalo tebantfu labangasebenti kulelive tenyuke nga 1,3-percent tisuka ku 31,4% kukota yesine yemnyaka lophelile, tatofika ku32,7% kulekota yekucala yalomnyaka wa 2026. Kuyibuka lendzaba asamukele sati ngetindzaba tebasebenti, Umnumzane Bukani Mngoma.
#Embiteni - Icalile iAfrica Travel Indaba eDurban
Mengameli wele-N/A Cyril Ramaphosa uvule ngalokusemtsetfweni umhlangano we-Africa Travel Indaba lobanjelwe e-Durban. Kulomhlangano, bekunabosomabhizinisi labehlukahlukene bakhangisa ngemisebenti yabo. Sifundza sase-Mpumalanga sona besimelwe tikhungo letifaka ekhatsi i-MRTT, lebukene nekufundzisa bantfu kupheka kanye nekulalisa tivakashi. Sikhulumisane nelilunga lebhodi yeMRTT, Bethuel Nxumalo.
#Embiteni - Tati temtsetfo titsi kulilungelo lamengameli Ramaphosa kundlulisela phambili lombiko welitsimba beliphenya indzaba yasePhala Phala.
Mengameli Cryil Ramaphosa, utsi angeke ehle esikhundleni sekuba ngumengameli welive ngetulu kwekutsi kube nalababita kutsi abeke phansi tintsambo kulandzelka sijubo senkantolo yemtsetfosisekelo lesitsintsa umbiko wase-Phala Phala. Itolo ebusuku, Mengameli Ramaphosa utjele sive kutsi lombiko utawendlulisela ekutseni uyocutjungulwa yinkantolo yemtsetfo. Ingabe kusho kutsini loku ngetemtsetfo? Simeme ummeli Bongane Matsane kutokhuluma ngalendzaba.
#Embiteni - Kubikwe ngencushuncushu lesuke etikolweni letitsite eHlanzeni, eMpumalanga.
Kube netehlekalo tekulwa kwebafundzi kuletinye tikolwa takulesifundza se Mpumalanga. Lokhulumela emaphoyisa kulesifundza Jabu Ndubane.
#Imphunga - Vaccination Mpu (pkg)
Indvuna yelitiko letekulima John Steenhuisen, uvakalise kwenetiseka ngendlela lokuchubeka ngayo luhlelo lwekugomela sifo sematele. Mthobisi Mkhaliphi uyasibikela
#Imphunga - Mengameli Ramaphosa utsi ufuna kubuyeketwe umbiko wasePhala Phala.
Mengameli Cyril Ramaphosa uvakalise kutsi ufuna kubuyeketwe lombilo lokhuluma ngendzaba yase-Phala Phala. Utsi angeke esule esikhundleni. Kukhuluma ngalendzaba simeme umhlatiyi wetepolitiki lotimele Umnumzane Thami Malinga
#Imphunga - Earth Life Africa
I Earth Life Africa yetfule sikhungo sesibili semphakatsi lesihlose kugcugcutela kukhicita emandla langangcolisi umoya. Lesikhungo sitfulwe esabelweni i-Malale, eVenda esifundzeni se-Limpopo. Lomcimbi bewuhanjelwe bantfu labahlala etindzaweni letibukana nekungcoliswa kwemoya lokubangwa yi Musina-Makhado Special Economic Zone, kanye nebaholi bendzabuko. . Kuyibuka kabanti lendzaba asemukele Thabo Sibeko loyi Programme Officer ka Earth Life Africa.
#Imphunga - Water Registration
Litiko letemanti nekuhlanteka selibite bonkhe bantfu labasebentisa emanti kunisela emasimini lamakhulu noma kwenta ibhizinizi kutsi babhalise kulelitiko kungakapheli tinyanga letintsatfu. Kukhuluma kabanti ngalendzaba sichumana nelisekela lendvuna yalelitiko Umnumzane David Mahlobo
Save video to ...
