listen to Ligwalagwala FM Current Affairs
Ligwalagwala FM Current Affairs
#Imphunga - Kubulewe liphoyisa kwatsi lelinye lalimala esehlakalweni sekuyawusita ngesikhalo seludlame lwasekhaya.
Emaphoyisa kulesifundza seMpumalanga atsi kunemsolwa loboshiwe kulandzela kubulawa kweliphoyisa kanye nekulimala kwalelinye eBushbuckridge. Lamaphoyisa lamabili abebitelwe kuyophenya ngesehlakalo seludlame lwasekhaya. Sicele lokhulumela emaHawaks eMpumalanga Khenela Magonseni Nkosi kutosichazela ngalesehlakalo.
#Imphunga - iSpain boshampeni beFIFA World Cup 2026
Live lase-Spain kube ngilo boshampeni bemchudzelwano wendzebe yemhlaba iFIFA World Cup 2026. Lomchudzelwano wemhlaba ebholeni letinyawo bewusingatfwe mave lamatsatfu, i-Melika, Mexico ne-Canada. Kubuka kancane lokwenteke kulomchudzelwano simeme umhlatiyi wetemidlalo, Prof Sibusiso Mazibuko
#Telive - Lucwaningo luveta kutsi banyenti bantfu labalova emsebentini ngoba bangasenamdladla yekuba semsebentini.
Umbiko welihhovisi letibalo kuleli uveta kutsi balinganiselwa ku50% bantfu labangakujabuleli kuba semsebentini ngoba basola kutsi kubabangela kukhungatseka engcondvweni nekudzangala emoyeni. Lombiko uphindze utsi loku ngulesinye setizatfu letenta bantfu balove emsebentini. Kantsi lesimo sichubeka ngetulu kwekutsi tinkapani letinyenti tinetinhlelo tangekhatsi letihlose kunakelela simomphilo setisebenti (wellness programme). Kusihlatiya lesimo, simeme i-Occupational Health Practitioner, Sister Linkie Rampana
#Telive - Kushone basokwa labali-18 kulesifundza se Mpumalanga
Sifundza se Mpumalanga sihamba phambili ngesibalo sebasokwa lebashonele engomeni. Ngasekucaleni kwaleliviki indvuna yelitiko lekubusa ngekubambisana nabohulumende basemakhaya Velenkosi Hlabisa umemetele kutsi bangema-43 basokwa labashonele engomeni kuvelonke kantsi kulesifundza seMpumalanga bali-18. Simeme sihlalo wekomiti lelibukele tingoma eMpumalanga, Inkosi Bongani Mahlangu.
#Telive - Mpumalanga Premier's Cup
Kuyobe kusephuka tidzindzi enkundleni yetemidlalo i-KaNyamazane Stadium njengobe kuyobe kutfolene etulu emacembu lamane akulesifundza emchudzelwaneni i-Mpumalanga Premier's Cup. Lamacembu latawube adlala afaka ekhatsi TS Galaxy, Kruger United, The Bees kanye ne-Casric Stars. Sicocisana nalokhulumelalitiko letemasiko, temidlalo nekukhibika eMpumalanga, Sibongile Nkosi.
#Telive - Imbumba Foundation: Trek4Mandela
Licembu lebantfu lelyincenye ye-Trek4Mandela lucale luhambo lekucanca intsaba i-Mount Kilimanjaro e-Tanzania kuleliviki njendlela yekukhumbula nekuhlonipha umshiyandvuku wemengameli waphambilini kuleli Nelson Mandela. Kukhuluma kabanti ngalomkhankaso, simeme lovela ku-Imbumba Foundation, Siyavuya Yawa.
#Telive - Nelson Mandela International Day
Namuhlka umhlaba weonkhe ubungata lilanga laMandel, iNelson Mandela International Day, lapho bantfu kulindzeleke bakhombise buntfu njengendlela yekuhlonipha lomholi longasekho emhlabeni. Kepha ingabe lesimo lesiphila kuso kulamalanga sibanga kutsi bantfu batikhohlwe imvelaphi yabo kanye nekubonelela labanye labeswele? Busekhona yini bona buntfu? Sicocisana neMfundisi Sipho Fakude, lovela ku Phaphamani Home Based Care Centre, kutobuka kabanti ngaloludzaba
#Telive - Kushone bantfu labatsatfu engotini leyenteke eHilltop emkhatsini kweMbombela neBarberton
Kushone bantfu labatsatfu engotini leyenteke entsabeni iHilltop emkhatsini kwe Mbombela ne Baberton kulesifundza se Mpumalanga itolo ntsambama. Kutfola kabanti sinalokhulumela litiko lekuphepha kwemango kuvikeleka netekuchumana, Moeti Mmusi.
#Teliive - Book Review: After Rapture, A story of a pastor who was left behind by Erens Mangalana.
Namuhla esigabeni setfu sekucubungula emabhuku sibuka libhuku lelinesihloko lesitsi "After Rapture, A story of a pastor who was left behind" lelibhalwe nguErens Mangalana.
#Embiteni - SA vs Namibia Bi-national
Mengameli welive le Ningizimu Africa, Cyril Ramaphosa kanye namengameli wase-Namibia bebabambe umhlangano we bi-national commission welihlandla lesine. Inhloso yalomhlangano kukucinisa budlelwane nekuhwebelana emkhatsini walamave lamabili. Sikhulumisana nasomnotfo Lunga Mahlaba.
#Embiteni - Bashayeli bematekisi be Top Star bafuna kucoshwe bashyeli bangaphandle lebangenawo emaphepha ekusebenta
Bashayeli bematekisi lebangaphansi kweTop Star basukumise umkhankaso wekucosha bashayeli lebachamuka emaveni angaphandle lebangenawo emaphepha labavumela kusebenta kulelive. Sikhulumisana nalomelele bashayeli bematekisi kuTop Star, Mthunzi Sibiya
#Embiteni - Masipala weMbombela ukhiphe satiso sekufuna kudzilitela lebatsengisela emgwacweni babe bangenmvumo.
Masipala wase-Mbombela kulesifundza sase-Mpumalanga ukhiphe satiso sekufuna kudzilitela bonkhe labatsengisela emigwacweni babe bangenamvumo. Lokhulumela masipala weCity of Mbombela Joseph Ngala uyasichazela.
#Embiteni - Solwati ngetebugebengu sitsi akumangalisi kuboshwa kwa-Witness K
Namuhla kuboshwe lofakazi lowatiwa ngekutsi ngu Witness K,lowaftula bufakzi phambi kwelikhomishana laMadlanga. Kuyibuka ngeliso lemhlatiyi lendzaba simeme solwati ngetebugebengu, Dr Mxolisi Mathebula...........
#Imphunga - RDP Illegal occupants
I Action SA isemkhankasweni wekukhipha bonke bantfu labangene kuma-RDP lekungasiwo abo eGauteng. Sikhulumisana nelilunga layo iActionSA Zandile Dubula.
#Imphunga - Service Delivery Party
Kuladzela kumenyetelwa kwelilanga lekutawubanjwa ngalo lukhetfo lwabohulumende basekhaya lwamhla ka-4 kuNovembver, tinyenti tinhlangano letivelile letifuna kuchudzelkana kulolukhetfo. Lenye yaletinhlangano letisandza kusungulwa yiService Delivery Party (SDP), lecoke lowake waba ngumngcinimafa weANC eMpumalanga, Umnumzane Mandla Msibi njengemchumanisi wayo i-SDP. Sinaye Umnumzane Mandla Msibi kutosicatsatela kancane ngeSDP
#Embiteni - Umkhakha wetekucitsa situnge umbonywe lifu lelimnyama ngekwendlula emhlabeni kwa-Seputla Sebogodi.
Ayachubeka nekungena emavi ekudvuduvuta umndeni kanye nebalingani kulandzela kwendlula emhlabeni kwemlingisi Seputla Sebogodi. Umufi ushone itolo aneminyaka lengu-63 budzala. Sikhulumisana nalomunye umlingisi weludvumo Desmond Dube
#Embiteni - iEskom itsi seyiphelile i-load reduction etifundzeni letisitfupha
Bangetulu kwesigidzi banftu lesebaphumulile kumbe lebangasacishelwa gesi ngekulandzela luhlelo lwe-Load Reduction. Inkapani lephakela gesi kuleli i Eskom, itsi tisitfupha tifundza lesetikhishwe kulelihlelo lekusebentisa gesi ngekwabelana. Lokhulumela lenkapani Dapheny Mokoena uyasichazela
#Embiteni - Bodokotela batsi nangabe bagunyatwa ngumtstefo, bangakuveta kugula kwesigulane sabo
Likomishana laMadlanga liphakamise kutsi litawubita bodokotela labelapha Suliman Carrim lokwahlehliswa kulalelwa kwebufakazi bakhe kulelikhomishana ngenca yekugula. Lesiphakamiso salelikhomishana silandzela imibiko letsi lowa-Carrim ubonakele ajangaza etitolo anebangani bakhe. Kutfola kutsi ingabe bodokotela banawo yini emandla ekudzalula kugula kwesigulane sabo lebebasilapha nasebagunyatwa ngumtsetfo, sichumana nadokotela lotimele Dr Eric Khumalo.
#Imphunga - SASSA Review
Sekusuke umsindvo kulabanye labahola sibonelelo sahulumende kulesifundza seMpumalanga lapho bakhala ngekutsi i-SASSA ivale timali tabo ngaphandle kwekubatisa. Batsi loku kwenteka ikakhulukati nangabe kube nemadlana lebonakalako ingena kuma-account abo. Kuyikhuluma lendzaba , sicele lokhulumela iSASSA eMpumalanga Senzeni Ngubeni
#Imphunga - TREK4MANDELA
Licembu lebantfu labasebasha leliyincenye ye-Trek4Mandela selicalile luhambo lekucanca intsaba i-Mount Kilimanjaro e-Tanzania. Balinganiselwa ema-40 bacanci lesebacalile kwenyuka lentsaba lenkhulukati kulelivekati le-Africa. Kutfola kahle ngaloluhambo asamukela Bongani Makwakwa loyincenye yalabacanci.
Save video to ...
