Vho William Bird vha Media Monitoring Africa khau haniwa ha ndaela ya shishi ya khothe ya vho Mashawana Collen zwi tshi kwama tsedzuluso dza vho ramafhungo

Muvhigo wa nga vha ligi ya vhaswa vha ANC vhane avha khou ima na zwa dzulo la lushaka lau rera nga thaidzo dza vhadzulapo kana National Dialogue

Vha IEC vhari vho lugela khetho dza mivhuso yapo nwakani.

Vha khomishini ya pfanelo dza vhathu vho vha na mutangano na vho ramafhungo mulovha u rera nga ha ndugiselo malugana na khetho dza mivhuso yapo dzine u ya nga ndivhadzo yavho dzi do vha hone vhukati ha nwedzi wa Lara nwakani na nwedzi wa Phando nwaha wa gidi-mbili-fu-mbili-sumbe. Vhukati ha zwinwe zwe vha amba ngazwo ndi fhungo la maitele a u vouta nga kha technology kana electronic ane a vhidzwa e-voiting. 

Vhafumakadzi vhanzhi vhane vha rwiwa nga vhafunwa vhavho vha pfa vha songo tsireledzea u vha tsini na vhafunwa vhavho.

Vha StatsSA vhari percente dza fu-ina wa vhafumakadzi vhane vha rwiwa nga vhafunwa vhavho, vha pfa vha songo tsha tsireledzea u vha tsini na vhafunwa vhavho. Mutola muvhalelano muhulwane Vho-Risenga Maluleke, vhari percente dza fu-ina-sumbe wa vhafumakadzi vho vhiga milandu ya u rwiwa na u tambudzwa nga vhafunwa vhavho. Vhari izwi zwi tou sumbedza uri vhunzhi ha vhafumakadzi vha khiu tambudzwa nga vhathu vhare tsinisa navho. Vho-Maluleke vho bvisa muvhigo wa zwiito zwa vhutshinyi wa nwaha wa muvhalelano wa 2024/25, doroboni ya Pretoria, Mulovha.

Vha EFF vhari a zwi vha mangadzi zwa u lengiswa u thoma ha khomishini ya Madlanga

Vha lihoro la EFF vhari a vha ngo mangadzwa nga tsheo ya vha khomishini ya Madlanga vhane vho divhadza uri a vha nga do thoma na dzulo la thodisiso line lo vha li khou fanela u takutshedza nga la u thoma la nwedzi wa Khubvumedzi. Tsheo ya u lengisa ha dzulo la khomishini ndi yauri ho vha na u kundelwa nga vha muhasho wa zwa vhulamukanyi, fhedzi Minister wa muhasho wa zwa vhulamukanyi na mveledziso ya Ndayotewa Vho-Mamoloko Kubayi vha khou sasaladza tshitatamennde tsha vha khomishini ya Madlanga une wa khou amba nga u lengiswa ha dzulo la khomishini sa mafhungo a sa pfali. Vho-Kubayi vhari ndi mafhungo a si avhudi uri tshitatamennde tsho bva uya kha lushaka nga yeneyo ndila.

Ministe wa mavhusele na sialala vhari muvhuso wo di imisela u bvelaphanda na u tika mahosi

Tshifhingani tsha mutangano wa Mahosi wa nanwaha we wa farelwa Benoni vhege yo fhelaho, Minister wa muhasho wa zwa mavhusele na sialala Vho-Velenkosini Hlabisa vho amba vha tshi khou humbudza lushaka uri muvhuso u kha di vha wo diimisela u tikedza Mahosi. Vhari muvhigo u kwamaho mbadelo dzavho u fanela u vha wo no fhelela nga nwedzi wa Lara, nahone vhari zwothe zwi khou tshimbila zwavhudi nahone u tavhanya musi zwi tshi kwama mulayo-tibe musi zwa zwa sialala na vhuhosi ha vha Khoi-San. Linwe line la khou ambiwa ngalo ndi la tshanduko kha mulayo u kwamaho mbingano ya sialala, hune lushaka lu humbelwa u tahisa mihumbulo u swika nga nwedzi wa Lara. 

Nyambedzano na mulanguli wa dzi thandela kha dzangano la Save the Children Vho-Kanukani Mudau.

Mufumakadzi ane a kha di vha muswa wa minwaha ya 24 vha bvaho fhala Musina, vho ya khothe namusi hune vha khou livhana na mulandu wa u tzhipa mutukana wa minwaha ya 13. Tshiwo itsho tshi khou pfala tsho bvelela nga la 22 la nwedzi wa Thangule kerekeni ya Catholiki ya Roma, fhedzi mutukana u pfala a tshi bva Cameroon. Uya nga mivhigo, mufumakadzi o wanala o edela a fhedzi a tshi khou fara-fara mutukana zwa vho vha swikisa kha u mu tzhipa. Muhumbulelwa o do farwa lenelo duvha nahone vha kha di vha tshitokisini, fhedzi tsengo yo pfukiselwa phanda uya kha la u thoma la nwedzi wa Tshimedzi. 

Ndugiselo dza khetho dza mivhuso yapo nwakani.

Khetho dza mivhuso-yapo dzi khou lavhelelwa u farwa henefha vhukati ha duvha la mbili la nwedzi wa Lara nwakani na mafheloni a nwedzi wa Phando mbamakwani nga nwaha wa 2027. Izwo ndi uya nga muofisi muhulwane wa khomishini ya zwa khetho Vho-Sy Mamabolo musi vha tshi khou amba na vha mafhungo zwifhatoni zwihulwane zwa vha IEC fhala Centurion namusi. 

Mudivhi wa muhumbulo vha ya talutshedza zwine zwa itea musi hu na milandu ya u tshipa.

Mufumakadzi wa minwaha ya fu-mbili-ina ane ha khou humbulelwa uri o tshipa nwana wa mutukana wa minwaha ya fumi-raru, Lavhutanu la vhege yo fhiraho o ya khothe ya magistrata ya Musina hune a khou livhana na mulandu wa u tshipa.

Maitele maswa a kushumele ofisini dza SASSA

Vha zhendedzi la u holela mundende SASSA vho divhadza uri hu khou do vha na maitele maswa a kushumele a divheaho sa Beneficiary Biometric Enrolment system umona na shango. Maitele maswa a do thoma u shuma nga la u thoma la nwedzi udaho.

Nyambedzano nga ha u tzhipiwa ha nwana wa mutukana

Mufumakadzi wa minwaha ya fu-mbili-ina ane ha khou humbulelwa uri o tshipa nwana wa mutukana wa minwaha ya fumi-raru, Lavhutanu la vhege yo fhiraho o ya khothe ya magistrata ya Musina hune a khou livhana na mulandu wa u tshipa. Mulandu wo fhiriselwa phanda u ya kha namusi musi hu tshi khou di itwa dzinwe thodisiso. Muhumbulelwa ane ha ngo bulwa dzina musi thodisiso dzi tshi khou di bvelaphanda o farwa nga mapholisa vha Musina kha khethekanyo ya Family Violence, Child Protection and Sexual Offenses.

Vhafumakadzi vha khou eletshedzwa u sa wela kha tshikwekwe tsha u pfi vha khou todelwa mishumo mashango davha.

Vha muhasho wa tshumisano na vhushaka na manwe mashango vha khou itela khaedu vhafumakadzi vhaswa vha lino uri vha songo tenda u wela kha tshikwekwe nga upfi vha khou todelwa mushumo mashango-davha. Izwi zwi khou tevhela zwikhala zwine zwa khou humbulelwa uri ndi zwa mishumo zwe zwa andadzwa kha vhudavhidzani ha nnyi na nnyi zwa mishumo, kha Tik Tok, Instagram na hunwe. Vha muhasho vhari vhathu vhane vha dzhia vhathu vha tshi vha vhambadzela kha manwe mashango vha vha kunga nga yeneyo ndila. 

Vha SANDF vha khou hanedza mivhigo ya gurannda ya swondaha uri mulanga-mmbi ya SANDF General Vho-Rudzani Maphwanya a vha khou tevhedza ndaela ye vha newa nga minister

Vha mmbi ya lushaka ya lino vha khou hanedza mivhigo ya bambiri ya Swondaha ya uri mulanga-mmbi ya SANDF General Vho-Rudzani Maphwanya a vha khou tevhedza ndaela ye vha newa nga minister wa muhasho wa vhupileli Vho-Angie Motshekga. Izwi zwi khou tevhela maambiwa a General Vho-Maphwanya e vha pfala vha tshi khou tikedza la Iran tshifhingani tsha musi vho dalela shango lenelo. General, vha pfi a vho ngo fanela u dzhenelela kha zwa kwamaho politiki dza dzitshaka. Vha SANDF vho amba kha tshitatamennde tshavho uri Vho-Maphwanya vha khou kwamana na Minister na ofisi ya mutsireledzi wa lushaka kha zwa mmbi. 

Vha tshigwada tsha Vhulaudzi Original crime prevention vha khou vhiledzwa nga u anda ha u di hatula vhutshilo nga vhana vhuponi havho

Mulovha kha ino mbekanyamushumo ro amba na mapholisa malugana na zwa u wanala ha nwana wa minwaha ya Fumi o nembelela nga thambo vhuponi ha Phadzima Dzumbathoho.  Nwana uyo ane a vha kha Gireidi ya Vhuna(4) o wanala o nembelela kha thambo ya zwienda kha tsimbi (baglar) dza fasitere.  Zwi khou pfala zwiito zwa ndingedzo dza u divhulaha vhuponi ha Vhulaudzi zwo anda. 

Vha Limpopo School Governing Body Federation vhari vhagudiswa vhane vha tambudzwa lwa vhudzekani vha tea u amba

Vha dzangano la khoro mbusi dza zwikolo fhano Limpopo School Governing Body Federation vho khoda zwe nwananyana wa minwaha ya fumi sumbe a vhiga zwiito zwau tambudzwa lwa vhudzekani nga thoho ya tshikolo vha minwaha ya futhanu nthihi kha tshinwe tshikolo tshire Lebowakgomo. Uya nga mapholisa hu khou humbulelwa uri avho thoho ya tshikolo vho fara fara uyo nwananyana vha fhedza vha mu tambudza lwa vhudzekani musi oya ofisini yavho uyo dzhia lutingo lwe avha o dzhielwa nga munwe mudededzi musi vhe kilasini.

Nyambedzano na mudivhi wa zwa Mulayo Vho-Emmanuel Netshipise malugana na tsengo ya bulayo la Senzo Meyiwa

Muhwelelwa wa vhuna(4) kha tsengo ya bulayo la Senzo Meyiwa, Vho-Mthokosiziseni Maphisa vha khou lavhelelwa u bvelaphanda na khumbelo ya uri milandu yavho i phumulwe, musi tsengo i tshi bvelaphanda namusi. Izwi ndi nga murahu ha musi vhanwe vhahwelelwa vho tutshela zwa u ita khumbelo yeneyo nga kha tshitenwa tsha dana-fu-sumbe-ina nahone vho amba zwauri vha khou do bveleaphanda na tsengo.

Vho Rodney Tshidzumba vha LOVENOTGBV Ambassadors movement vha khou amba nga fhungo la khakhathi dza mitani

Warrant Officer Vuledzani Dathi vha khou amba ngau wanala ha nwana wa Grade 4 o nembelela kha Fasitere Phadzima Dzumbathoho

Dr Murendeni Sikhau vhare mudivhi wa vhulwadze ha khangwa kana Dimentia vha khou amba nga honohu vhulwadze

Vha lihoro la RISE Mzansi vhari avha khou farea zwavhudi nga thahelelo ya madi ine ya khou nana JHB

Upfa zwinzhi nga ha fhungo leneli ri amba na Rise Mzansi Joburg Municipal Task Team co-ordinator Vho-Khume Ramulifho