Phalaphala FM - Current Affairs
Nyambedzano na Muambeli wa SIU Vho-Selby Makgatho u sedza khathulo dza khothe mbili kha thendara dza COVID-19 Muhashoni wa zwaMutakalo Mpumalanga.
Vha tshiimiswa tsho khetheaho tsha zwa thodisiso mapholisani -Special Investigating Unit(SIU) vha khou pfala vho tanganedza khathulo mbili nga khothe yo khetheaho, ye ya hatula zwauri thendara mbili dze dza avhelwa nga vhaMuhasho wa zwaMutakalo vunduni la Mpumalanga nga tshifhinga tsha COVID-19 dzo avhelwa hu songo tevhedzwa maitele one. Ri amba na Muambeli wa SIU Vho-Selby Makgatho...
Nyambedzano na Vho-Allan Matsila, Muhulwane wa Tshumelo dza zwaNdangavhuendi vunduni la Limpopo u pfa zwiswa nga ha tshiimo badani dzi re vunduni.
Hunzhi ho pfala ho tsitsikana badani dza vunduni la Limpopo mulovha nga duvha la Paseka. Vhunzhi ha vhathu vho dalela kereke mbili dza ZCC fhala Moria, ngeno vhanwe vha tshi khou fhira nga gondo la N1. U pfa uri tshiimo tshi nga ndila-de u bva mulovha nga matsheloni u swika zwino, ri amba na Muhulwane wa Tshumelo dza zwaNdanga-Vhuendi vunduni la Limpopo Vho-Allan Matsila...
Munwe mudzulapo uri hango farwa zwavhudi vhuongeloni ha Elim
Munwe mudzulapo we a dalela vhuongelo ha Vundu ha-Polokwane u itwa muaro u khou vhilaedzwa nga zwe vha vhuongelo honoho vha mu nea ndaela yauri a bvele phanda na dzilafho ḽawe kha vhuongelo ha privete hune a khou badela masheleni a padaho zwigidi zwiraru-nga-vhege sa izwi a tshi tea u wana dzilafho lenelo luvhili kha vhege. VMukovhe Mulaudzi uri dokotela o mu vhudza zwauri u do tea u wana dzilafho kha vhuongelo ha privethe sa izwi vhuongeloni ha muvhuso ho dala.
Vha ligi ya vhaswa vha ANC Gauteng avha imi nau tholwa ha vho Dunga sa MEC wa gwama
Vha-Ligi kana Dzangano la-Vhaswa vha lihoro la African National Congress, ANC Youth League vunduni la Gauteng vha khou pfala vha tshi khou hanedzana na tsheo ya Mulangavundu wa Gauteng Vho-Panyaza Lesufi ya u ita tshanduko kha khabinethe ya vundu. Vha-dzangano ili vha khou sasaladza zwa u tholiwa ha Vho-Nkululeko Dunga vha lihoro la Economic Freedom Fighters kha khabinethe ya-vundu kathihi na zwa u divhadzwa havho sa MEC wa Muhasho wa-zwaGwama vunduni.
Ho dzhiiwa murahu goloi dza Ford ngauri dzina thaidzo ngomu
Vha-National Consumer Commission kana NCC ine ya vha Khomishini ya-Lushaka i sedzanaho na tsireledzo ya pfanelo dza vharengi vho khwathisedza zwa u humiselwa murahu kha khamphani dza mamaga ha goloi dzine dza fhira madana-mana dza Ford Ranger XLT, Wildtrack, Puma na goloi dza Toyota Hino.
Nzudzanyo dza mapholisa kha holodei ya paseka kha mafhelo a vhege malapfu.
Zwa zwino musi ri kha holodeni dza mafhelo malapfu a Paseka mapholisa na vhone vha kha mafulo a u thivhela vhutshinyi na u vhona uri vhadzulapo vho tsireledzea. U pfa zwinzhi ri kwamana na Captain Vho Vuledzani Dathi ...
Tshiimo tsha zwa vhunedi kha magondo mahulwane o fhambanaho vunduni la Limpopo.
U bvelaphanda nau sedza tshiimo tsha zwa vhunedi kha magondo mahulwane o fhambanaho vunduni la Limpopo zwazwino ri amba na Muhulwane wa vhulangi ha zwa vhuendi Limpopo Vho Allan Matsila
Tshiimo tsha zwa vhunedi tshi hani gondoni lihulwane la N1 musi ri tshi kou dzhena kha holodei ya paseka.
Minister wa Muhahso wa zwa vhuendi Vho Barbara Creecy namusi vho fhedza duvha vhe gondoni lihulwane la N1 ,Tollgate ya Kranskop vunduni la Limpopo vhatshi khou lavhelesa tshiimo tsha vhunedi musi vhathu bhatshi khou ya fhethu ho fhambanaho u itela holodeni dza mafhelo a vhege malapfu a Paseka .Mulangavundu la Limpopo Dokotela Vho Phophi Ramathuba na vhone vho divha vhe henefho na MEC wa Muhasho wa zwa vhuendi vunduni Vho Violet Mathye.Zwenezwino kha gondo lihulwane la N1 ho bvelela khombo ye khayo ha lovha vhathu vhavhili muthihi a tou huvhala . Upfa uri tshiimo tsha zwa vhunedi tshi hani gondoni lihulwane la N1 zwazwino ri amba na ranafhungo wa SABC Rendani Raliphaswa ari haningei ...
Tshiimo mukanoni wa beitbridge musi ri tshikhou dzhena kha holodei ya paseka.
Vhathu vhane vha khou pfuka nga mukano wa Lebombo vhukati ha lino shango na la Mozambique vunduni la Mpumalanga vho bvisa vhupfiwa ho fhambanaho ngaha ndila dzino khou shumiswa uvha tola zwenezwo musi vhatshi pfuka .Izwi zwi khou vha hone musi vhunedi ho thoma u engedzea afgho mukanoni u itela mafhelo a vhege malapfu a Paseka .Mukanoni wa Beitbridge vhukati ha lino shango na la Zimbabwe masiari vhuendi ho vhonala vhutshi khou tshimbila nga ndila yo doweleaho hu songo tsitsikana . Upfa uri zwazwino tshiimo tshinga ndila de mukanoni wa beitbridge ri amba na Tshanda tsha khomishinara wa vha vhulanguli ha zwa Mikano BMA Vho Murdock Ramathuba .
Vha SARS vho kona u kuvhanganya muthelo u padaho Trilioni Mbili wa dzi rannda
Mukomishinari wa SARS ane tshifhinga tshawe tsha u shuma tshi khou swika magumoni Vho Edward Keistwetter vho divhadza kushumele kwa SARS malugana na u kuvhanganya muthelo ho sedzwa nwaha wa gidimbili fhumbili thanu na gidimbili fumbili rathi. Vho Keiswetter vho divhadza zwauri SARS yo kuvhanganya mbuelo ya muthelo i padaho rannda dza trillioni mbili. U sedza zwinzhi rina mudivhi wa ikonomi u bva university ya la Afurika Tshipembe Prof vho-Simphiwe Madikizela.
Vundu la Gauteng namusi li do anisa MEC ntswa hu tshi katelwa na wa lihoro la EFF
Hu khou lavhelelwa u do aniswa dzi MEC ntswa vunduni la Gauteng namusi, zwi tshi tevhela zwe Mulangavundu Vho-Panyaza Lesufi vha divhadza tshanduko kha khabinethe yavho ya vundu mulovha. Vho-Nkululeko Dunga vha lihoro la EFF zwino vho no vha MEC wa Muhasho wa-zwa Gwama, ngeno vhe vha vha vha MEC wa-zwa Gwama Vho-Lebogang Maile vho no vha MEC wa-Muhasho wa-zwaPfunzo. Ro amba na Mudivhi wa-zwaPolotiki Vho-Livhuwani Levi Ndou u bva Tshwane university of Technology (TUT).................
Lwendo lwa vho-ra-saintsi lwa u ya nwedzini....
Vhadzulapo vha Amerika vha khou nyanyuwa nga ndila dzo fhambanaho zwi tshi tevhela u rumelwa tshikhalani ha tshienda-tshikhalani nga vha-NASA kha lwendo lwa maduvha a fumi lwa u ya nwedzini lune lwa divhea sa "Artemis-2". Ro amba na Mudivhi vhane vha vha Mulanguli-Muhulu wa Ngudo dza zwiedza-zwa-tshikhalani u bva Muhashoni wa-zwa Science na-Technology, Dokotela Vho-Takalani Nemaungani...
Ho lovha vhathu vhatanu kha khombo ye ya kwama goloi tharu kha bada ya N1vhukati ha Modimolle na Mookgopong.
Ho lovha vhathu Vhatanu musi hutshi vha na khombo yeya kwama goloi tharu dzedza thulana nga tsha phanda kha bada ya N1 vhukati ha Modimolle na Mookgopong vunduni la Limpopo. Vhanwe vhathu vhavhili vhevha huvhalesa vho hwalelwa vhuongeloni ha FH Odendaal Mokopane. Mureili wa goloi ine ha khou humbulelwa uvha yone yeya vhanga iyo khombo o farwa . Kharipfe ramafhungo Rendani Raliphaswa.....
U rwelwa tari ha tshigathalu (Logo) na muano nga vha IEC.
Vha Commission ya zwa khetho yodi imisaho nga yothe IEC vho rwela tari tshigathalu na muano wa khetho dza mivhuso yapo dza nanwaha fhala Gallagher Estate , Midrand, Johannesburg.Izwi zwi khou vha hone u rangela khetho kati dzo dzudzanyelwaho u farwa nga vhuya nanwaha .Mafhelo a vhege au thoma au di nwalisa hu dovha nga nwedzi wa Fulwi . U sedza leneli riamba na tshanda tsha muhulwane wa zwa vhudavhidzano kha commission ya zwa khetho yodi imisaho IEC Vho David Mandaha
U gonya ha mitengo ya mudagasi.
Mitengo ya Mudagasi yo gonya nga % dza malo khoma sumbe-rathi u thoma namusi. U gonya ha mitengo ya mudagasi zwi khou nanisa mutsiko kha vhadzulapo, zwino musi na mitengo ya zwivhaswa yo gonya. Mitengo ya mudagasi yo gonya kha vhathu vhane vha renga mudagasi kha Eskom - ngeno kha vhathu vhane vha renga ha Masipala i tshi do gonya nga % dza tahe u bva nga nwedzi wa Fulwana. U sedza leneli fhungo zwa zwino ri na Professor Vho-Sampson Mamphweli ubva kha tshiimiswa tsha SANEDI...
Ri lavhelela mini siani la mutsho namusi nga Lavhuraru la 01.04.2026
Ri na mudivhi wa zwa mutsho ubva SAWS ri pfe uri siani la mutsho namusi ri nga lavhelela mini. Vho-Maluta Tshifaro.
Mbadelo dza vhuendi ha nnyi-na-nnyi dzi khou ya u gonya nga nthani ha u gonya ha zwivhaswa
Mbadelo dza mitengo ya vhuendi ha nnyi na nnyi dzi khou ya u gonya zwo' vhangwa nga u gonya ha mitengo ya zwivhaswa ubva madekwe nga la 03.04.2026. Izwo ndi uya nga vha dzangano la SANTACO. Ri na muambeli wa SANTACO Vho-Rebecca Phala.
Ikonomi ya lino i khou thoma u livhana na tshiimo tshi kondaho nga u gonya ha zwivhaswa.
Ikonomi ya lino shango la Afrika Tshipembe yo thoma u nana u livhana na tshiimo tshi kondaho u bva madekwe musi hu tshi gonya mitengo ya zwivhaswa. Zwa u gonyesa ha mutengo wa diesel zwi pfala zwi tshi khou ya u kwama zwiendedzi dzibadani zwa do dovha zwa kwama na zwirengwa mavhengeleni. Ri na Muofisi-Mutshimbidzi-Muhulwane wa Road Freight Association Vho-Gavin Kelly.
U gonya ha mitengo ya zwivhaswa zwi khou kwama-vho na vha African Unite Borders Bus Trucks Association
Vhoramabindu na vhoramimodoro kana vhareili vha-zwiendedzi vho no thoma u pfa vhutungu ha mitengo ya petrolo na dizili yo gonyaho zwa u tou ya ntha-ntha nga kathihi u tou bva vhusika-kati mulovha. Zwa u gonya uhu ha mitengo ya zwivhaswa ngaurali zwo tutuwedzwa nga dzinndwa dzine dza khou bvela phanda Mabvaduvha-Kati. U sedza ḽeneḽi fhungo ri amba na Mudzulaphanḓa wa dzangano ḽa African Unite Borders Bus Trucks Association Vho-Phumudzo Mukhwathi.
Vha RTMC vhari a vha nga tendeli zwiito zwa vhuada nga vhaofisiri vhavho dzibadani
Vha-Road Traffic Management Corporation kana RTMC vha ri vha do pandela vhaofisiri vhothe vhane vha do wanala vha kha zwiito zwa tshanda-nguvhoni kha mafheloni-malapfu a ino vhege ya Paseka. Hu khou lavhelelwa u thoma u tsitsikana ha zwiendedzi dzibadani dza lino shango u thoma matshelo nga Lavhuna. U sedza ḽeneḽi ri amba na Muambeli wa RTMC Vho-Simon Zwane.
Save video to ...
