listen to Phalaphala FM - Current Affairs
Phalaphala FM - Current Affairs
Khothe yo hatula uri mishonga ya u haela vhulwadze ha khwanda na mulomo a si vhudifhinduleli ha muvhuso.
Khothe khulwane ya Pretoria yo nea ndaela ya uri mishonga ya u haela vhulwadze ha khwanda na mulomo asi vhudifhinduleli ha muvhuso vho rabulasi vhone vhanne vha do tou fanela u di rengela. Minister wa zwa vhulimi vho thivhelwa na u dzhenela kha mafhungo a kwamaho vho rabulasi vhane vha khou di rengela mishonga ya u haela vhulwadze ha khwanda na mulomo u bva mashangoni a nnda i tshi da kha lino la Afurika Tshipembe. Ndaela ya khothe i ima na vha dzangano la Sakeliga, SAAI, na vha zwa vhulimi vunduni la Free State.
Vhane vha khou humbulelwa u vha vhadzia u dzhia vhathu nga khani vho hwelelwa milandu khothe ya Madzhistrata i re Giyani
Vhadzulapo vhavhili vha bvaho kha la Ethiopia vhane vha vha Vho-Misganu Gethchwe vha minwaha ya fu-mbili-mbili na Vho-Tashai Tumebo vha minwaha ya fumi-malo vho ya khothe ya magistrata ya Giyani, hune vha khou livhana na milandu mitanu ya u dzhia muthu nga khani.
Khuvhangano ya SANTACO ya u khetha vharanga-phanda. Ri na muambeli Vho-Rebecca Phala
Vha dzangano la SANTACO vho vha na khuvhangano yavho ya u khetha vharangaphanda namusi. U pfa uri khuvhangano yeneyo yo tshimbila hani, ri amba na muambeli wa SANTACO Vho-Rebecca Phala.
Fhungo la miholo mugodini wa GoldFields' South Deep li khou konda. Livhuwani Mammburu muambeli wa NUM
Therisano dza zwa miholo dza vha mugodi wa GoldFields' South Deep vunduni la Gauteng dzo haka midzi musi vha dzangano la vha NUM na la UASA vha songo tanganedza zwino Company ya khou netshedza siani la nyengedzedzo ya miholo. Vha Madzangano vha khou gwa nyengedzedzo ya miholo ya Phesente dza Fumi Nthihi kha vha shumi vhane miholo yavho i fhasisa ngeno kha vhanwe vhashumi vha tshi khou gwa phesente dza Tahe . U sedza ḽeneḽi ri na muambeli wa dzangano la National Union of Mineworkers Vho-Livhuwani Mammburu.
Ndeme ya duvha la Africa ri na CEO wa Freedom Park Dr. Jane Mufamadi
Ri sedza ndeme ya duvha la Africa ri tshi khou amba na Muofisi Mutshimbidzi Muhulwane wa Freedom Park Dokotela Vho-Jane Mufamadi.
Vha Vhugalaphukha ha Boulo vhari hu a thoma u gevhengiwa vhathu Kruger National Park
Vha Sanparks vho shushwa nga tshiiwo tshe tsha bvelela vhugalaphukha ha baulo, he nga Lavhutanu ha wanala zwitumbu zwa Munna na mufumakadzi vhane ha khou humbulelwa uri vho tou vhulawa ha dzhiiwa na goloi yavho.
Minwe ya milandu tshitirikini tsha Vhembe mafheleloni a vhege
Mufumakadzi wa minwaha ya fu-raru-raru o tshipiwa nga vhanna vhavhili musi a tshi khou bva sosani kana Tarven muvhunduni wa Lagos, madautsha a Mugivhela.
Vundu la Limpopo li khou pembelela duvha la Afurika
Vha muvhuso wa vundu la Limpopo, vho rangwaphanda nga mulangavundu dokotela Vho-Phophi Ramathuba, vha do dzhenela mushumo wa u elelwa duvha la Afurika Univesithi ya Limpopo, khamphasini ya Turfloop nnda ha dorobo ya Polokwane Namusi.
Mapholisa vunduni la Limpopo vha khou todana na vhahumbulelwa nga murahu ha musi vhaendela mashango vhavhili vho wanala vho vhulahwa lwa tshituhu Vhugalaphukha ha Boulo.
Mapholisa vunduni la Limpopo vha khou todana na vhavhulahi nga murahu ha musi vhaendela mashango vhavhili vho wanala vho vhulahwa lwa tshituhu Vhugalaphukha ha Boulo nga thungo lwa Pafuri. Avho vho vhulawaho vhane vha vha munna wa minwaha ya fusumbe nthihi na mufumakadzi ane a kha di do taluswa , vho vhigwa uri vho ngala-ngala nga murahu ha u fhedzisela u vhonala nga thungo lwa pikiniki lwa Pafuri nga lavhuraru Zwitumbu zwavho zwo do wanala zwo papamala tsini na Cross Corner, thanganyoni ya mulambo wa Levubu na wa Limpopo U sedza leneli ri na muambeli wa mapholisa vubduni la Limpopo Brigadier vho-Hlulani Mashaba..
Vha dzhendedzi la mbalo-mbalo la Moody's vho gonyisela ntha mbonalo ya zwa ikonomi ya shango la Afurika Tshipembe u bva kha yo dzikaho u ya kha ine ya vha yavhudi.
Vha dzhendedzi la mbalo-mbalo la Moody's vho gonyisela ntha mbonalo ya zwa ikonomi ya shango la Afurika Tshipembe u bva kha yo dzikaho u ya kha ine ya vha yavhudi, vhari ho vha na zwo khwiniseaho kha tshelede ya muvhuso na izwo zwine ha khou isa phanda na u vha na tshanduko kha kuitele kwa zwithu Kha muvhigo muswa, vha Moody’s vhari mbonalo yeneyo yavhudi i khou sumbedza u nana u khwatha kha kushumiselwe kwa masheleni a muvhuso na u di netshedzela ha muvhuso u disa tshanduko dzo pikaho nyaluwo ya ikonomi. U sedza leneli ri amba na muḓivhi wa ikonomi Vho-Rendani Tshishonga
Vha tshiimiswa tsha Vuwa mufumakadzi vho vhidza khuvhangano na vho mme vhane vha khou alusa vhana vha vhaholefhali.
Vho mme vhane vha khou alusa vhana vha vhaholefhali vha pfi a zwi vha lelutsheli u alusa vhana vhenevho . Vha tshiimiswa tsha Vuwa mufumakadzi vhari izwi zwo vha swikisa kha u vhidza khuvhangano ya vhomme vhane vha vha na vhana vha vhaholefhali u itela u vha pfumbudza kha ndila dza khwine dza alusa vhana vhenevho. U pfa zwinzhi malugana na leneli ri amba na mutumbuli wa tshiimiswa tsha Vuwa Mufumakadzi Vho-Rebecca Mulondo
Vho-Vincent Leshabane vho thudzela kule zwipida zwa vhutanzi ha vho-Sizwe Zungu kha tsengo ya mulandu wa u vhulahwa ha Senzo Meyiwa.
Mukomanda wa mapholisa vha Afurika Tshipembe o no nothaho vho-Vincent Leshabane vho thudzela kule zwipida zwa vhutanzi ha Constable vho-Sizwe Zungu kha tsengo ya mulandu wa u vhulahwa ha Senzo Meyiwa, vha amba uri khothe i khou zwifhelwa Vho-Leshabane vho hanedza mivhigo ya uri vho vhudza Constable vho-Sizwe Zungu uri vha so ngo amba nga ha bulayo la Senzo Meyiwa ngauri vhutshilo havho ho vha vhu khomboni. Vho tanziela khothe khulwane i re Pretoria nga ha mushumo wavho kha thodisiso, khathihi na u amba nga ha mavhari vhari e vha ambelwa one khothe. U sedza leneli ri na mudivhi wa mulayo Vho-Emmanuel Netshipise...
Vha dzangano la maswole afrika tshipembe SANDU vhari zwithu azwi khou tshimbila kha mmbi ya lushaka kha lino shango.
Vha dzangano la maswole afrika tshipembe South African National Defence Union (SANDU) vhari zwithu azwi khou tshimbila kha mmbi ya lushaka kha lino shango,He vha amba uri maswole vhe vha iswa Cape Town ulwa na zwiito zwa vhutshinyi vha dzudzwa fhethu husi havhudi ,nahone ahungo tsireledzea. Maswole vhenevho vha khou dzula gammbani ya maswole ya Fort Ikapa. Upfa zwinzhi nga ha fhungo leneli ri amba na Vho-Jeff Dubazane ubva kha dzangano la SANDU.
Vhadzangano la mapholisa la IPUSA vhari ahuna tshumisano vhukati ha vhadzulapo na mapholisa.
Masiari a namusi minister wa muhasho wa mapholisa vho tou farelaho Proffessor Firoz Cachalia vho divhadza tshivhalo tsha nyimele ya vhutshinyi afrika tshipembe, Vha sumbedza uri vhutshinyi ha dzi khakhathi ho engedzea kathihi na vhunwe vhune ha khadi tambudza vhadzulapo. Musi muvhuso utshi khou isa phanda na uda na pulane dzau lwa na vhutshinyi,Huna mbudziso malugana na thahelelo ya tshomedzo, maanda avho, u anda ha zwiito zwa vhuada na fhungo la fulufhelo kha vhone mapholisa nga vhadzulapo. U sedza leneli ri amba na munwaleli muhulu wa dzangano la mapholisa la Independent Policing Union of South Africa-IPUSA vho-Mpho Nkwinika.
Mbalo mbalo dza zwa vhutshinyi dza kotara ya vhuna Phando u swika Lambamai.
Minister wa muhasho wa mapholisa vho tou farelaho vho-Firoz Cachalia vhari milandu yau vhulaha yo tsela fhasi nga pesenthe dza tahe khoma thanu,Ngeno milandu ya dzi khakhathi yo tsela fhasi nga pesenthe nna khoma rathi. Vho ita ndivhadzo yeneyo namusi vho sedza kotara ya vhuna ya ubva Phando u swika Lambamai. Minister vho ita nau amba uri vhutshinyi ha utswa midini ho tsela fhasi nga pesenthe dza fumbili khoma ina ngeno ya utswa mabinduni yo tsela fhasi nga pesenthe dza fumi malo khoma raru. U sedza ḽeneḽi ri na mudivhi wa zwa vhutshinyi Dr vho-Azwihangwisi Mulaudzi...
Khombo i shushaho ya bisi na thekhisi yo vhulaha vhathu Mpumalanga
Vhathu vha fumi vho lovha ngeno vhanwe vho tou huvhala zwi tshi tevhela zwe taxi ya thulana nga tsha phanda na bisi kha bada ya R39 vhukati ha Standerton na Morgenzon vunduni la Mpumalanga. Ro amba na muambeli wa muhasho wa vhuendi na tsireledzo vunduni ḽa Mpumalanga Vho-Moeti Mmusi.
Muambeli wa mapholisa vunduni la Kwazulu Natal Vho-Robert Netshiunda vha ri vhudza maswa nga ha mumatsho wa u hanedzana na thundu dzi sihoho mulayoni kha lino fhala Durban.
Komiti ya phalamendeni i sedzanaho na zwa muhasho wa muno, i ri i do lavhelesa nga vhuronwane fhungo li kwamaho zwine zwa khou bvelela doroboni ya Durban zwine ha vha na mimatsho ya u hanedzana na thundi dzi sihohomulayoni kha lino la Afrika Tshipembe. Komiti iri mitangano i kati vhukati ha muhasho wa zwa muno, mapholisa, khathihi na madzangano ane a khou imela vhadzulapo vha manwe mashango. Ro amba na muambeli wa mapholisa vunduni ḽa KwaZulu-Natal Colonel Vho-Robert Netshiunda.
Khuwelelo ya uri muvhuso u engedze gavhelo la mundende wa vhana
U sedza ḽeneḽi ri na mukonanyi wa mbekanyamushumo dza tshiimiswa tsha Pietermaritzburg Economic Justice & Dignity Group Vho Mervyn Abrahams
Maitele asia vhudi avha khamphani ya vhufhufhi ya FlySafair o bviselwaho khagala nga vha khomishini ya vharengi
Upfa zwinzhi nga ha fhungo leneli ri amba na mukhomishinari o tou farelaho kha khomishini ya vharengi- National Consumer Commission Vho-Hardin Ratshisusu
Khudano vhukati ha vhadzulapo vha manwe mashango vhare kha lino lu siho mulayoni na vha madzangano a vhadzulapo
U pfa zwinzhi malugana na leneli ri amba na ramafhungo washu ane a vha henengei Durban Gcinokuhle Malinga.
Save video to ...
