listen to Phalaphala FM - Current Affairs
Phalaphala FM - Current Affairs
Vha AfriForum vho tanganedza tsheo ya nyiledzo dze dza itelwa vhanwe vha vho-rapolotiki nga shango la US.
Vha dzangano la AfriForum vho tanganedza tsheo ya nyiledzo dze dza itelwa vhanwe vha vho-rapolotiki nga shango la US,Malugana na zwine vhari vho pfuka pfanelo dza vhathu hutshi katelwa na vha Afrikaner,Hune vha Afriforum vhari nyiledzo dzenedzo adzinga vhaisi lino shango na kathihi,Hune hado vhaisala vhenevho vho-rapolotiki vhane vha khou humbulelwa zwiito zwenezwo. Vha Afriforum vhari mafhungo othe a katela na zwau imbiwa ha luimbo lwa "Kill the Boer" kathihi na fhungo lau dzhiiwa ha mavu atshi humiselwa murahu kha vhane vhao husina mbadelo na zwine vhari huna maitele a tshitalula nga kha murafho. Fhedzi vha Afriforum vhari vha muvhuso wa lino shango na wa la US vhado tandulula eneo mafhungo. U sedza leneli ri amba na muthusa muofisi mutshimbidzi muhulwane wa dzangano la Afriforum Vho-Werner Human.
Vha IEC vho divhadza tshivhalo tsha vhonkhetheni vho nwaliswaho na vhe vha iledzwa.
Vha khomishini ya khetho yo di imisaho nga yothe afrika tshipembe IEC vhari vho themendela vho-nkhetheni vha zwigidi zwa dana furaru-rathi na madana matanu na mavhili futahe vhane vhado shela mulenzhe khethoni dza mivhuso-yapo dza nanwaha nga la ina la nwedzi wa Lara. Nahone vho amba uri vho iledza vho-nkhetheni vha zwigidi zwitanu na futahe rathi uri vha songo shela mulenzhe khethoni nga zwinwe zwe zwasi tshimbile zwavhudi,Vha ita nau amba uri mutevhe wa mahoro na vho-nkhetheni vhane vhado shela mulenzhe khethoni vhori udo andadzwa namusi. U sedza leneli ri amba na muthusa muhulwane wa zwa vhudavhidzani kha khomishini ya khetho IEC vho-David Mandaha.
U fhiriselwa phanda ha khuvhangano ya COSATU ya u khetha vharangaphanda ya vhu 15th.
Khuvhangano ya u khetha vharangaphanda ya vhufumi-thanu ya Cosatu yo fhiriselwa phanda nge havha na u lenga u thoma hunzhi musi hutshi khou lweliwa fhungo li kwamaho muthusa presidennde wa dzangano vho-Mike Shingange. Yeneyo khuvhangano ye ya thoma nga Musumbuluwo wa ino vhege hovha hutshi khou lavhelelwa uri matshelo vharumelwa vhado khetha vharangaphanda vhaswa vha lushaka. Ri khou bvelaphanda na leneli nga u amba na muambeli wa COSATU Vho-Zanele Sabela
Fhungo la khumbelo ya khathululo nga vha ANC ngei kha IEC malugana na u nwalisa vhoNkhetheni.
Vha khomishini ya khetho yo di imisaho nga yothe IEC afrika tshipembe vhari vhaya divha ngaha pulane dzau toda u ita khumbelo ya khatululo kana appeal nga vha African National Congress-ANC malugana na khatulo ya khothe ya zwa khetho kha fhungo le vha vha vho li swikisa. Muofisiri muhulwane wa IEC Vho-Sy Mamabolo vhari milayo ya zwa khetho iya tendela mahoro na vho-nkhetheni vha tshiya khothe yeneyo arali huna zwine avha khou farea zwavhudi ngazwo. Vha ANC vho ya kha yeneyo khothe ya zwa khetho ngauri vha IEC avha khou vha tendela vha tshi swikisa mutevhe wa vho-nkhetheni vhavho vha tshiri vha ANC avhongo fara tshifhinga zwa amba uri vho-nkhetheni vhavho vha dana fumalo-nthihi avha nga sheli mulenzhe khethoni,He khothe ya hana khumbelo ya vha ANC. Ri khou sedza leneli na mudivhi wa zwa mulayo Adv Ntuwiseni Ralikhuvhana
Mapholisa vha khou netshedza tshelede kha muthu ane a nga bvisela khagala vhutanzi kha mabulayo a vhafumakadzi
Mapholisa vha khou nesthedza masheleni a Rannda dza zwigidi zwa madana-mana kha muthu munwe na-munwe ane a nga bvisela khagala vhutanzi vhune ha nga ita uri hu farwe muhumbulelwa kana vhahumbulelwa kha mabulayo a vhafumakadzi vhuponi ha Masipala-Muhulwane wa-Ekurhuleni. Izwi zwo divhadzwa nga mapholisa madekwe tshifhingani tsha mutangano na vhoramafhungo we wa vha wo sedza kha maga ane a khou tevhedzwa uri hu fhedze hu tshi khou farwa vhathu vhane vha kwamea kha mabulayo a vhafumakadzi vhuponi ha Ekurhuleni.
Vha Action Society vha khou sasaladza zwa u salela murahu ha tshumelo ya DNA
Vha-Action Society vha khou sasaladza zwa u salela murahu ha tshumelo ya ndingo dza DNA- zwino musi mapholisa vha tshi khou ita ndingo na thodisiso kha zwitumbu zwa vhafumakadzi vhatanu-na-vhararu vho wanalaho vho vhulawa Kempton Park u tou bva nwedzi wa Fulwana u swika zwino. Vha ili dzangano vha ri zwa tshilengo itshi kha u bvisela khagala vhutanzi zwi khou ita uri mushumo wa u wana vhahumbulelwa u kondese. Vha-SAPS vha ri hu na zwine zwa fana kha mabulayo a avho vhafumakadzi, hune fhedzi vha khou ri a zwi thu vha khagala arali zwi tshi nga vha zwi zwithu zwo itwaho nga phondi nthihi.
phuresidennde wa dzangano la FISA Bishop Nthai Monnye-Malatji vho amba ngau haniwa ha khumbelo yavho khothe ya zwa khetho
Khothe ya zwa khetho yo thudzela kule khumbelo ya vha lihoro la Freedom in South Africa FISA, vhe vha isa khomishini ya khetho IEC khothe zwi tshi tevhela zwe vha kundelwa u swikisa mutevhe wa vho nkhetheni vhavho vhane vha do ima sa vhakhantselara khethoni dzi mimasipala yapo nga la Ina la Lara. Ri khou sedza leneli na phuresidennde wa dzangano la FISA Bishop Nthai Monnye-Malatji.
Captain Nkabi ubva Hawks vho amba ngau farwa ha vhahumbulelwa vhararu malugana na vhufhura ha bammbiri la mulingo Thohoyandou
Vhahumbulelwa vhararu vha khou lavhelelwa uya khothe ya Magisitirata wa Thohoyandou nwedzi u daho malugana na mulandu wa vhufhura huno kwama bambiri la mulingo la Matitiki zwe izwi zwa bvelela minwaha ino fhira Fumi yo fhelaho .Thodisiso dzo thoma nga nwedzi wa Lara nwaha Gidimbili Fumi Thanu musi hovha na Vhagudiswa vha Rathi vhevha wana bambiri la mulingo nga ndila ine i sivhe mulayoni hune ha pfala uri vhofha vhanwe ilo bambiri vhanwe vha ita nau rengiselwa husa athu unwaliwa.
Vha Workers and Socialist Party nga kha vho Mametlwe Sebei vha khou toda Cosatu itshi bva kha ANC
Vha Workers and Socialist Party, WASP, vha khou itela khuwelelo vharumelwa vhano khou dzhenela khuvhangano ya vhu Fumi Thanu ya dzangano la COSATU uri vhabve lwa tshiofisi kha thanganelo kha thanganelo ine vhavha khayo na lihoro la ANC .Vhari Thanganelo iyo i ita uri vhuthihi ha vhashumi husi tshimbile nga ndila yone.
Mukomishinari wa Gender Equality Commission vho-Mulalo Nemataheni vho amba ngau vhulahwa ha vhafumakadzi Gauteng
Zwau dovha u wanala ha tshinwe tshitumbu tsha Mufumakadzi vunduni la Gauteng zwo nanisa mbilaelo ngaha u engedzea ha tshivhalo tsha khakhathi dzono itelwa Vhafumakadzi .Musi Mapholisa vha tshi khou bvelaphanda nau utodisisa zwivhangi kha idzo mpfu nau vhona arali huna vhutumanyi khadzo zwino khou bvelela zwi khou sia hutshi dovha u ambeswa nga ndila ine ha khou shumanwa nayo kha fhungo la khakhathi dzono itwa ho sedzwa mbeu . Zwazwino tshivhalo tsha zwitumbu zwa Vhafumakadzi zwo waniwaho zwi suka Sumbe .
Vha National Taxi Alliance vhari vha muhasho wa zwa vhuendi vha khou latedza ndowetshumo ya dzithekhisi
Vha-dzangano la vhorathekhisi, National Taxi Alliance vha ri Minista wa Muhasho wa-zwaVhuendi Vho-Barbara Creecy vha khou latedza ndowetshumo ya dzithekhisi. Vha-NTA vha ri mitengo ya petrolo na dizili kathihi na ya mbadelo dza musi wo renga thekhisi zwi nthesa ngeno vhorathekhisi vha sa khou gonyisa mitengo yavho kha vhanameli. Vha khou toda hu tshi vha na subsidy ine ya kona u thusa na vhanameli. VhaNTA vho nesthedza Minista Vho-Creecy maduvha a fumi-na-mana a u fhindula zwililo zwavho, hune vha khou ri arali zwa sa ralo hu do vha mugwalabo muhulu wa shango lothe.
Vha lihoro la Democratic Alliance vha khou vhilahedzwa nga zwa u vhulahwa ha vhafumakadzi
Vha-lihoro la Democratic Alliance Masipalani-Muhulwane wa-Ekurhuleni vha khou sasaladza zwiito zwa dzikhakhathi na mabulayo a vhafumakadzi zwi tshi tevhela u wanala ha zwitumbu zwitanu zwa vhafumakadzi vhane zwa vhonala vho tou vhulawa fhala Kempton Park vhukati ha tshifhinga tsha minwedzi mivhili fhedzi. Munwe mufumakadzi zwazwino u kha di vha o ngala-ngala. Vha-DA Ekurhuleni vha khou hanedzana na mulaedza wa tsivhudzo une wa khou bva kha mapholisa vhaSAPS wauri vhafumakadzi vha dilonde hothe hune vha tshimbila hone, zwine vhaDA vha khou ri kuambele ukwo a si kwavhudi samusi vha tshi ri zwi nga u inga munwe muhwalo wa tsireledzo kha vhafumakadzi vhane vha vha vhone vhane vha khou vhulawa.
Ro amba na mutsivhudzi wa dzi khamphani ro sedza vhufhura ha Online
Mapholisa vho tahisa mbiaelo zwitshida kha zwiito zwa vhufhura vhune havha hone musi vhathu vho thoma u fanana vho tangana online nakha zwishumiswa zwa vhudavhidzano zwine zwa vhidwza online dating he vha sumbedzisa uri hovha na milandu ya Fumi yeya vulwa Kempton Park ine ya tutshelana na vhufhura hono itwa vhathu vhatshi khou funana vho tangana kha zwishumiswa zwavhudavhidzano kana Online. U sedza leneli zwino ri amba na Vho Lerato Ntwampe vhane vhavha Social Consultant (Mutsivhudzi wa dzi khamphani, madzangano a si a muvhuso kha uri thandela dzavho dzi kwama hani zwitshavha, na pfanelo dza vhathu).
Ro amba na mudivhi wa vhutshinyi khau fhela ha nwaha tshe khomishini ya Madlanga ya thomiwa
Zwivho dzhia nwaha Presidende Vho Cyril Ramaphosa vho divhadza u thomiwa ha Commisson ya Madlanga musi Mukhomishinara wa Mapholisa vunduni la Kwazulu Natal Lieutenant-General Vho Nhlanhla Mkhwanazi Vho fara mutangano na vho ramafhungo Mahola nga nwedzi wa Fulwana vhatshi khou amba ngaha zwine vhari huna u dzhenelwa ha tshumelo dza zwa Mapholisa nga mafhungo azwa politiki . Kha linwe fhungo Kha minwedzi Mivhili yo faho vhukati ha ka Fumi Thanu la nwedzi wa Fulwana nanwaha na la Fumi Ina la nwedzi wa Khubvumedzi Mapholisa vha Guateng vhowana zwitumbu zwino swika Zwitanu nga maanda zwa Vhafumkadzi vhane vho wanala ha songo ambara vho vhulawa Kempton Park .Mabulayo ayo a pfala o disa nyogho ngaha zwine ha khou humbulelwa ungavha huna muthu ane a khoiu tou vhulaha vhathu henefho naho thodisiso dza Mpaholisa dzitshi kha di bvelaphanda .
Vha muhasho wa vhafumakadzi avha khou farea zwavhudi ngau vhulahwa ha vhafumakadzi Gauteng
Vha dzangano la Women For Change vhari zwine ha khou bvelaphanda zwau vhulawa ha Vhafumakadzi ndi zwithu zwine zwia vhiledza vhukuma .Vha khou amba izwi musi ho wanala zwitumbu zwitanu zwa Vhafumakadzi Kempton Park na Olifantsfontein ubva nwedzi wo faho .Mapholisavho khwtahisedza uri tshinwe tsha izwo zwitumbu nditsha vhe vhavha vhatshi khou gidima vheha vhigwa upfi vho ngalangala vhege yo fhelaho Vho Elizabeth Moselakgomo vhe vhabva hayani vho ya u ita nyonyoloso vhasi tsha vhuya . Ri khou bvelaphanda na u sedza leneli na muambeli wa muthusa minister wa muhasho wa vhafumakadzi Vho-Cassius Selala
Muvhigo wa Pension ya vhashumi vha mashango haya a kale
Musi zwino ho fhela Minwaha ya Furaru lino shango likha dimokirasi fhungo la mbadelo dza masheleni a Pension kha vhashumi vha mivhuso ya Mashango haya ya kale ali athu u tandululwa.Mahola Muvhuso wo thoma tshigwada tshau lavhelesa mbilaelo dzezda tahiswa nga Vhashumi vha kale vha Muvhuso wa kale wa lino shango hutshi katelwa Muvhuso haya wa kale wa Transkei, wa Bophuthatswana,wa Venda na wa Ciskei .Zwazwino mawanwa na Themendelo dza tshigwada tsho tiwaho a Phalamenndeni.
Ho farwa Pholisa we a fha matshonise tshigidi tshawe tsha mushumo uri a mu hadzime tshelede
Mapholisa vho fara muofisiri-wa-mapholisa wa minwaha ya furaru-thanu wa tshinnani fhala Tshilamba/Mutale kha zwine ha khou pfi o nea muhadzimisi-wa-tshelede tshigidi tshawe tsha mushumo na gulu uri a kone u hadzimiwa tshelede.
MEC wa zwa vhuaendi vunduni la Gauteng vho sasaladza zwiito zwa u tambudza na u thelisa vhathu ndowetshumoni ya vho radzitaxi
MEC wa muhasho wa zwa dzibada na vhuendi vunduni la Gauteng vho-Kedibone Diale-Tlabela, vho sasaladza nga maanda zwiito zwiswa zwa u shushedza na u shengedza na zwa u theliswa ha vhathu zwi siho mulayoni ngomu kha ndowetshumo ya Vhoradzithekhisi, nga maanda hune mirado ya iyi ndowetshumo ya tovholwa nga vhathu vhane vha khou lingedza u shushedza na u fhura vhanwe na u shumisa thuthuwedzo i siho mulayoni u swikela zwine vha khou toda zwone.
Vha tshiimiswa tsha SAUS vho bva mulomo malugana na maga maswa o divhadzwaho u khwathisa ndaulo na vhurangaphanda kha Nsfas.
Minister wa muhasho wa pfunzo dza nga ntha ha matiriki vho-Buti Maimela vho divhadza maga a na tshivhalo a u khwathisa ndaulo na vhurangaphanda kha Nsfas. Zwinwe zwe zwa itiwa ndi u thola mudzulaphanda wa tshifhinganyana wa bodo ya Nsfas
Gauteng lo di imisela hani u vha fhethu ha vhuendela-mashango. Ri na Vho-Barba Gaoganediwe.
Vha vundu la Gauteng vho di dzudzanyela u vha fhethu ha zwa vhaendelamashango hune vhathu vha nga hu dalela tshifhinga tshinwe na tshinwe. Nzudzanyo iyo ntswa i khou tumanya zwa vhuendelamashango na zwa vhufa na zwa vhuendi na mabepha na vhuendelamashango ha zwikolobulasi. Vha ilo vundu vha khou toda mishumo mihulwane ya zwa mitambo, zwa mvelele na zwa kutshilele zwi tshi swikisa kha uri vhathu vho dalelaho vundu vha shumise tshelede nnzhi ine ya nga vhuedza vundu siani la Ikonomi. Zwinzhi nga lenelo fhungo ri amba na muambeli wa Gauteng Tourism Authority Vho-Barba Gaoganediwe.
Save video to ...
