listen to Thobela FM - Current Affairs
Thobela FM - Current Affairs
Tona ya maphodisa ya motšwa-o-swere o re le ga di palo-palo tša bosenyi di fokotsegile, dikgaruru le bosenyi ka Afrika Borwa e sa le hloba boroko
Tona ya maphodisa ya motšwa-o-swere, Firoz Cachalia, o re dipolao di fokotšegile ka dipesente tše senyane-fegelwana-hlano mola bosenyi bja dikgaruru bo fokotšegile ka dipesente tše nne-fegelwana-tshela ka mono nageng
Motlatsa President Paul Mashatile o boditse palamente gore mmusho o ka se dumelele dikgaruru tsa batho ka bontshi ka morero wa go tlaisha le tshenyo ya thoto .
Ore bahlankedi ba tshireletso ba kgopetse go shogana le bosenyi bjoo bo ka tswelelago nakong ya ditshupetso tseo di lebishitswego go go bafaladi ba go hloka dingwalwa tsa tumelelo ya bodudi ka mono Afrikaborwa .
IMATU e ketekile le go hlompha letsatsi la boditshabatshaba la boraditima mello.
Leloko la komiti-khuduthamaga ya bosetshaba ya mokgatlo wa basomi IMATU mmasepaleng wa Polokwane Mack Malinga ore ditlhotlo tse kgolo ke hlaelelo ya didiriswa , meputso ya tlasana le go se fiwe hlompho ke setshaba.
Komiti ya palamente ya ka tlasana ya malebana le tekololeswa ya melao ya palamente e tswile diripa malebana le ka moo e swanetsego go sepedisha kahlollo ya kgorotsheko ya molao theo.
Dipathi tse mmalwa tsa kganetso di latofatsa baeletsi ba semolao ba palamente ka titelego yeo ba e dirago ka go shishinya taba ya go fetola melawana pele komiti ya go theola presidente e ka thoma ka moshomo .Eupsa ANC ere go potlakisha kgato yeo e ka feleletsa edira gore go be le hlotlo ye nngwe gape ya semolao.
Mmago Omphile Sithole yo a timetšego ka motseng wa Ga-Mabuela ka ntle ga Mokopane ka Limpopo, o re le ga bjale ga a kwišiši gore ngwana wa gagwe o timetše bjang
Mmago Omphile Sithole yo a timetšego ka motseng wa Ga-Mabuela ka ntle ga Mokopane ka Limpopo, o re le ga bjale ga a kwišiši gore ngwana wa gagwe o timetše bjang
Poledišano le moseka-seki wa dipolitiki ka diphetogo tsa ka gare ga party ya MK
Poledišano le moseka-seki wa dipolitiki ka diphetogo tsa ka gare ga party ya MK
Tonakgolo ya Limpopo Phophi Ramathuba o re dinyakisiso tsa forensiki di hweditse gore mahu a batho ba bararo kgweding ya go feta GaMaja motseng wa Mmotong wa Bogobe a hlotswe ke dijo tseo di kgotletswego.
Bahu ba hlokofetse morago ga go ja dijo polokong le batho ba go feta masome-shupa ba ile ba amogelwa ka bookelong. Ramathuba go tee le molekgotla-phethisi wa maphelo ka Limpopo Dieketseng Mashego ba etetse tikologo maabane.
Maikutlo a ANC le ActionSA mmasepaleng mogolo wa Johannesburg go latela polelo ya seemo sa toropo ka mmeyara phethisi Dada Morero.
Presidente ya Action-SA Herman Mashaba ore polelo ga e laetse selo se bohlokwa go fetola maphelo a badudi ba Gauteng mola modulasetulo le leloko la komiti ya selete ya ANC Adolph Marema are mosomo wa kganetso ke go sola dilo ka moka bona kgatelo pele ba e bona.
Molwela ditokelo o thuntshitswe a bolawa mesong ya lehono ka Mahikeng
Lapa la molwela ditokelo tša setšhaba ka Mahikeng, Thato Molosankwe, le re le kwišitšwe bohloko ke polao ya gagwe ye sehlogo
Poledishano le Molelledi wa NPA Kaiser Kganyago
NPA e laetse gore molato kgahlanong le Rakgwebo wa go tsebega wa ditekisi Joe Sibanyoni le balatofatswa naye ba bararo o bushwe lenaneong la melato.
Ka lebaka la bolwetsi bja thlako le molomo balemirui ka motseng wa Xhigalo kgauswi le Malamulele ka Limpopo ba tswela pele go loba leruo la bona.
Balemi ba re leruo la bona le fetetswa ke dinare tseo di thethago le tikologo di folago le leruo la bona go bapa le legora la leshoka la bosetshaba la diphoofolo Kruger.
Poledisano le Lerato Ngobeni wa ActionSA e solago magato a kgalemo aka gare ka SAPS kgahlanong le bahlankedi ba babedi bao ba tatetswago mabapi le maitshwaro mabe.
Action-SA ere SAPS go fapana le lekala la nyakisisa dingongorego kgahlanong le maitshwaro a maphodisa IPID ga e bone phoso felo ka ditiro tsa bao ba tatetswago.
Poledishano le Setsebi sa merero ya bosenyi Thabang Bogopa
NPA e ntshitse taelo ya go re molato kgahlanong le Rakgwebo wa go tsebega wa ditekisi Joe Sibanyoni le balatofatswa naye ba bararo o bushwe lenaneong la melato,seo ke ka morago ga gore molato wa bona o phumulwe.
Poledishano le Mohlankedi phethishi wa SAQA Dr Makhapha Makhafola
Ba lekala la tekolo ya mangwalo a dithuto SAQA ka boripana ba lesolong la motlalanaga go phumula mananeo thuto a go feta sekete dikolong tsa thlathlo go sepetsana le nyakego ya bjale ya meshomo
Lehono balapa la ga Meyiwa mmogo le bathekgi ba kgwele ya maoto ba ya go ipelaetsa ka Union Buildings malebana le go ditelega ga molato wa polao ya moswaradino wa pele Senzo Meyiwa
Lehono balapa la ga Meyiwa mmogo le bathekgi ba kgwele ya maoto ba ya go ipelaetsa ka Union Buildings malebana le go ditelega ga molato wa polao ya moswaradino wa pele Senzo Meyiwa
Rakgolo le koko'a mosetsana wa mengwaga ye me-2 Omphile Sethole wa ka mo Limpopo, yo a timetsego ba tsweletse pele ga kgoro-tsheko ya masetrata wa Mahwelereng, kgauswi le Mokopane
Rakgolo le koko'a mosetsana wa mengwaga ye me-2 Omphile Sethole wa ka mo Limpopo, yo a timetsego ba tsweletse pele ga kgoro-tsheko ya masetrata wa Mahwelereng, kgauswi le Mokopane
Poledishano le Molelledi wa kgoro ya dinamelwa ka Limpopo Matome Tauatswala
Bahlankedi ka Limpopo,ba emišitše pese ya go tšwa ka Malawi e ya ka Johannesburg yeo e bego e nameditše banamedi ba go feta tekano tseleng ya N1 kantle ga Polokwane
Kgoro tsheko ya molaotheo ere e mengwe ya melawana ya NHI ga e sepetšane le molao
Mmušo o tla swanela ke go tla ka dikgopolo tše diswa mabapi le go fihlelelwa ga ditirelo tša maphelo lekaleng la praebete
Poledisano la raditaba wa SABC, malebana le go golegwa ga rakgolo le koko'a Omphile Sithole yo a timeletsego.
Koko le rakgolo ba mosetsana wa mengwaga ye me-2, yo a timeletsego e lego Omphile Sithole, ba golegilwe malebana le go timelela ga gagwe. Bobedi bo tla tswelela pele ga kgoro-tsheko ya mastrata wa Mahwelereng, kgauswi le Mokopane, ka Mosupologo wa la 18 May 2026. Bona ba lebane le diphara-melato tsa go hloka sedi.
Pego: Tonakgolo ya peleng ya NW, Bushy Maape, o ithobaletse boroko bjo bogolo
Melaetsa ya kwelo-bohloko e tswela pele go romelwa go ba lapa, bagwera le basomi-mmogo ba tona-kgolo ya peleng ya North West, Bushy Maape. Maape, o hlokagetse maloba ka morago ga bolwetsi bjo bokopana a ena le mengwaga ye 68, ka Johannesburg.
Save video to ...
