listen to Tru Fm Current Affairs
Tru Fm Current Affairs
TRUNEWS @6 - MAKANA UNITED CIVIC MOVEMENT Manifesto
Sele siqalisile ukuva ifuthe lonyulo nanjengoko kusele nje isithuba senyanga phambi konyulo loorhulumente bamakhaya, noluza kubanjwa ngomhla wesine kwinyanga yeNkanga. Ngoku sithetha nombutho olwela amalungelo abahlali base Makhanda, i Makana United Civic Movement. UAyabonga Kekana uncokole nophuma kulo mbutho, u Andile Peter...
TRUNEWS @6 - THINA BAHLALI PEOPLE'S MOVEMENT Manifesto
Siyaqhuba nokuthetha nemibutho yezopolitiko emitsha engenela unyulo loomasipala lwalo nyaka. Sisahleli kumasipala iNdlambe oquka iidolophu ezifana ne-Cawa, iKenton-On Sea, i-Alexandria ne- Bathurst, nophantsi kwesithili iSara Baartman apha eMpuma Koloni. U-Ayabonga Kekana uncokole nenkokheli yombutho iThina Bahlali People's Movement, uXolisa Runeli…
TRUNEWS @6 - NDLAMBE CITIZEN MOVEMENT Manifesto
Nanjengolo kushiyeke iintsuku ezingamashumi amane anesithathu phambi kokuba siye kunyulo loomasipala kwinyanga ye-Nkanga. Imibutho yezopolitiko iyaqhuba nokugaya inkxaso kubavoti koomasipala abohlukileyo. Eminye yemibutho engenela unyulo phakathi kwayo ngumbutho omtsha iNdlambe Citizens Movement nongenela unyulo kumasipala iNdlambe oquka iidolophu ezifana ne-Cawa, iKenton-On Sea, i-Alexandria ne- Bathurst. Ukuncokola ngomqulu wezithembizo zabo, uAyabonga Kekana uthethe nenkokheli yalo mbutho u-Anda Ngeleza…
TRUNEWS @6 - MAKANA CITIZEN FRONT Manifesto
Ngoku masijonge umbutho iMakana Citizen Front ukuba uthembisa ntoni kubahlali. Lo ngumbutho wabahlali esele kulithuba usilwela izidingo zoluntu lwaseMakhanda, ngaphambi kokuba ube ngumbutho wezopolitiko ngo2021. Ukuva ngezicwangciso zabo, uAmanda Xhala uncokole nophuma kwi Makana Citizen Front, uLungile Mxube...
TRUNEWS @6 Movement For Change Manifesto
Njengoko sikwixesha apho ifuthe lonyulo liphezulu, sincokola nemibutho yezopolitiko ngemiqulu yayo yonyulo equlathe izithembiso zayo yezinto ezakuthi izenze ukuphucula imo-ntlalo koomasipala. Namhlanje sibambe umbutho iMovement For Change. U-Amanda Xhala uthethe nophuma kulo mbutho, uNondumiso Solo...
TRUNEWS @6 - AZAPO Manifesto
Njengoko sikwixesha apho ifuthe lonyulo liphezulu, sincokola nemibutho yezopolitiko ngemiqulu yayo yonyulo equlathe izithembiso zayo yezinto ezakuthi izenze ukuphucula imo-ntlalo koomasipala. Namhlanje sibambe umbutho iAZAPO. U-Amanda Xhala uncokole noququzelela unyulo kulo mbutho, uChris Swepu....
NEWS REVIEW| Sara Baartman region 2026 LGE debate
Kusasazo olukhethekileyo lwengxoxo-mpikiswano yamaqela ezopolitiko angenele unyulo loomasipala luka-2026, noluzakubajwa ngomhla wesine kweye Nkanga. Kulonyaka, iingxoxo mpikiswano zethu zigxila koomasipala benqila/sithili, hayi oomasipala basekhaya, njengoko besisenza ngaphambili. Kule nkqubo uYolanda Kambile kunye no-Ayabonga Kekana bakhokele ingxoxo-mpikiswano egxile kwinqila yase-Sarah Baartman enoomasipala abasixhenxe phantsi kwayo, umasipala iNdlambe, iMakana, iSundays River Valley, iKouga, iKoukamma, iBlue Crane kunye ne-Dr Beyer Naude. Bonke aba masipala baphantsi komasipala wesithili i-Sarah Baartman, eMpuma Koloni...
INTERCHANGE| Smile Foundation's life changing surgeries in Gqeberha.
Umbutho obizwa iSmile Foundation, ubuyisela ukuzithemba nesidima kubantwana, ngotyando oluguqula ubomi babo kwidolophu iGqeberha eMpuma Koloni. Lo mbutho, nonceda amaziko akhathalela impilo yoluntu ukwenza utyando lwenyheke nenkalakahla ecandekileyo, nolubizwa icleft lip, wasekwa kwiminyaka engamashumi amabini anesithandathu eyadlulayo, kwaye sele uncede iintsapho ezingaphaya kwamawaka amahlanu ukuzakuthi ga ngoku. Qho ngonyaka lo mbutho ubamba uthotho lotyando kwisizwe siphela. Lo mbutho ubutyelele isibhedlele iProvincial eGqeberha kule veki, nalapho ingabantwana abalishumi elinesihlanu abaye bafumana utyando lokulungisa indlela abakhangeleka ngayo. Bambi ingabantwana abatshileyo, abaneendlebe ezingakhulanga ngokupheleleyo, ngeli lixa abanye benenyheke nenkalakahla ecandekileyo. UNandipha Plaatjie usenzele le ngxelo...
TRUNEWS @6| Why is intra-African trade still so low despite the African Continental Free Trade Area being one of the world's largest free-trade areas?
Ngonyaka u-2021 amazwe ase-Afrika angamashumi amahlanu anesine aangena ngokusesikweni kwinkqubo yorhwebo oluphakathi kwamazwe akwilizwekazi i-Afrika. Le nkqubo ibizwa ngokuba yi-African Continental Free Trade Area, lelona qonga likhulu lorhwebo kwihlabathi ngokwamazwe athatha inxaxheba kulo, kwaye injongo yayo kukuphakamisa ukuzimela kwe-Afrika kuqoqosho ingaxhomekeki kumazwe angaphandle kuyo, ukwehlisa irhafu yentengo kwiimveliso zorhwebo phakathi kwala mazwe, nokucutha imigaqo engumqobo kwinkqubo yorhwebo. Emva kweminyaka emihlanu, iqondo lorhwebo kweli qonga lisesezantsi kakhulu, kuba kuqikelelwa ukuba limi kumyinge weshumi elinesithandathu ekhulwini. Yintoni ebangela lonto? U-Amanda Xhala uncokole nengcali kwimiba yoqoqosho norhwebo, uGqirha Simiso Msomi, ngale nyewe…
TRUNEWS @6| The Con Court declares the Public Procurement Act invalid
Inkundla yomgaqo siseko yoMzantsi Afrika, igwebe ngelithi inkqubo eyalandelwa yipalamente ukupasisa umthetho olawula inkqubo yentengo karhulumente (Public Procurement Act), ayikho semthethweni. Owona mbuzo ubuphambili kwelityala ngowokuba, ingaba ipalamente yenza ngokwaneleyo ukubandakanya izimvo zoluntu kusini na. Injongo yalomthetho kukumisela umgaqo omawulandelwe xa kukhutshwa itender okanye kusenziwa intengo. Amanda Xhala spoke with the Advocacy Coordinator from AmaBhungane, Caroline James...
TRUNEWS @6 - Concerns growing amid the ongoing killings of women, despite GBVF being classifies as a National Disaster
Imibutho yoluntu ivakalisa inkxalabo ngokubulawa kwaminina nakubeni nje impatho-mbi esekelezelwe kwisini nokubulawa kwamanina, iGBVF, yachazwa njengentlekele yesizwe. Kungoku nje amapolisa aphanda ngamathuba oku ngahle kuyanxulumana ukubulawa kwamanina alithoba Ekurhuleni, kwisithuba seenyanga ezimbini ezigqithileyo. Kunyaka ophelileyo urhulumente wachaza iGBVF njengentlekele yesizwe phantsi komthetho ojongene neentlekele. Sithe makhe sijonge ngomsebenzi neenzame esele zenziwe ukuzakuthi ga ngoku. ukuqubisana nempatho-mbi esekelwe kwisini nokubulawa kwamanina. To discuss more about this, Amanda Xhala spoke with the Spokesperson for the Department of Women, Youth and Persons with Disabilities, Cassius Selala...
TRUNEWS @6 - The South African National Space Agency introduces rural space hubs
Ubuchwepheshe bale mihla benze kubelula ukuba sibenolwazi ze sibone okwenzeka emajuku-jukwini, silapha emhlabeni. Obu buchwepheshe buncediswa luphando lwezobunzulu-lwazi. Konke oku kuyasincedisa ekuzuzeni ulwazi oluphangaleleyo ngokwenzeka kokungqonge ihlabathi, kusincedise nasekucwangciseleni ikamva. Iziko iSouth African National Space Agency kule minyaka ilishumi elinesihlanu, lidlale indima enkulu kuphuhliso lophando kwicandelo lobuchwepheshe nobunzulu-lwazi. Kwaye ngoku bafuna ukusondeza oku kulutsha olusemaphandleni. Amanda Xhala spoke with the South African National Space Agency CEO, Humbulani Mudau....
TRUNEWS @6 - We analyse the latest on the political front
I-ANC ithi iza kubhena ngakwisigqibo senkundla yezonyulo, kulandela isigqibo sale nkundla sokukhaba isibheno salo mbutho ngakwikomishoni yonyulo ezimeleyo. Oku kuza emba kokuba le komishoni ivalele ngaphandle abagqatswa be-ANC abayi-181 abaphuma koomasipala abathandathu, emva kokusilela kwalo mbutho ukufaka uluhlu lwabagqatswa bawo kule komishoni ngosuku olwalusikelwe oko. Ukuxoxa banzi ngalo mba, nangeminye imiba yezopolitiko, u-Amanda Xhala uncokole nomhlalutyi wezopolitiko, uGqirha Nkosikhulule Nyembezi...
TRUNEWS@6-South African BRICS Youth Association, highlights the role of BRICS in creating direct benefits for member countries
Ngamazwe alishumi elinanye aphantsi kweBRICS, nomsebenzi wawo ikukuphuhlisa amazwe kwakunye nokusebenzisana. Lamazwe aquka iBrazil, China, Egypt, Ethiopia, India, Indonesia, Iran, Russia, Saudi Arabia, noMzantsi Africa. Phantsi kwe-BRICS kwaye kwasekwa umbutho ojongene nokuphuhlisa ulutsha, iSouth African BRICS Youth Association. Amanye amaphulo aqhutywa yi-SABYA kukudityaniswa kweenkokheli ezingamakhulu amathathu ezisakhulayo neziphuma kumazwe aphantsi kwe-BRICS. Amanda Xhala converse with the chairperson of South African BRICS Youth Association, Raymond Matlala.
TRUNEWS@6-Analysis on : ANC NEC member Andile Lungisa takes Mbalula to Court
Kwinqaku lethu lezopolitiko namhlanje, ilungu lesigqeba esiphezulu seANC nomgqatswa kwisikhundla sika sodolophu womasipala ombaxa, iNelson Mandela Bay, uAndile Lungisa, ubhenele kwiinkundla zamatyala malunga nomba wokukhutshwa kwakhe kuluhlu labagqatswa ngaphambi konyulo loomasipala. Igqwetha lakhe, uSinawo Makhangela, lithi uLungisa unetyala elibambekayo azakulixoxa kwinkundla ephakamileyo yaseRhawutini, ngomhla wamashumi amabini anethoba kule nyanga. Komnye umba esizakuwushukuxa, umfela ndawonye wemibutho yabasebenzi, iCOSATU, ubambe inkongolo yeshumi elinesihlanu ukonyula isikhokheli esitsha salo mbutho. UAmanda Xhala ubambe udliwano ndlebe nomhlalutyi wezopolitiko ugqirha Ongama Mtimka.
NEWS REVIEW| Unpacking EC crime stats, as contact crime cases decline
Kule veki siyiqukumbelayo, inkonzo yesipolisa eMpuma Koloni ikhuphe ingxelo yeenkcukacha-manani zolwaphulo-mthetho zekota yokuqala yonyaka-mali u2026/27. Kuzo, iqondo lokubhaliswa kwamatyala okubulala, ukudlwengula, uxhatshazo noxhatshazo ngokwesondo lwehle ngomyinge ka-two-point-six percent ekhulwini. Nangona nje oku kusamkeleka, lukhona noluvo lokuba la manani awabonisi mfanekiso uchanekileyo ngemo-ntlalo yabo. U-Ayabonga Kekana uye wancokola nomkomishinala wenkonzo yesipolisa eMpuma Koloni u Lieutenant General Vuyisile Ncata…
INTERCHANGE| EC NPO fights crime and substance abuse
Ukunqongophala kwamathuba emisebenzi, ulwaphulo mthetho nokusetyenziswa kweziyobisi, yeminye yemingeni emikhulu kulutsha oluhlala kwiindawo ezisemaphandleni. Yilento ibangele ukuba usomashishini nentsha-ntliziyo lophuhliso lolutsha, uTembelihle Tshatshu, eye wasungula umbutho ongekho phantsi kukarhulumente i-TeeMac Youth Game Changers. Lo mbutho uliqonga lophuhliso lwezakhono zolutsha, ukubancedisa ukukhangela imisebenzi nokuba neenkqubo ezahlukileyo zophuhliso nemidlalo, ekhwebula abantwana nolutsha kulwaphulo-mthetho neziyobisi. U-Ayabonga uncokole naye uTshatshu ngalo msebenzi wombutho wakhe...
INTERCHANGE| Biko's struggle for black emancipation in vain, says AZAPO's Nelvis Qekema
Umongameli wombutho i-AZAPO uNelvis Qekema, uthi unyulo loomasipala oluzakubanjwa ngenyanga yeNkanga kufuneka ibelithuba abantu abantsundu abalisebenzisa ukutshintsha iimeko ezingekho mgangathweni abaphila phantsi kwazo, kule minyaka ingapha kwamashumi amathathu idlulileyo. Uthi olu tshintsho ingasesona sipho sihle kumzabalazo walowo wayeyinkokheli ye-Black Consciousness Movement, uSteve Bantu Biko. UBiko wabulawa ngurhulumente wenkqubo yengcinezelo ngolu suku, ngonyaka ka-1977 (12 September 1977). UQekema uthi umgangatho wempilo yabantu abamnyama emva kokufumana inkululeko, ubonisa ukuba idabi uBiko awayelilwela alikaphunyelelwa. U-Ayabonga Kekana usilungiselele ingxelo kaNtebo Mokobo...
TRUNEWS @6 - South African Football Association (SAFA) elections
Babini abagqatswa abajonge isikhundla sokuba ngumongameli kumbutho olawula ibhola ekhatywayo, iSouth African Football Association (SAFA). Esi sibini ngugqirha Danny Jordan, nokhokelayo kulombutho kungokunje, kwakunye noSandile Zungu ongusomashishini ekwangumlawuli weqela iAmaZulu Football Club. Ugqirha Jordaan ujonge ukukhokela iSAFA isihlandlo sesine. Akhona ke amaphondo afana neKwaZulu-Natal, Mpumalanga, Limpopo kwakunye neMpuma Koloni, nasele evakalise ukuba axhasa bani. Ukanti iGauteng, Freystata, uMntla Ntshona kwakunye noMntla Koloni, awakaphumi phandle ukuba axhasa bani. INtshona Koloni, kuyavakala ukuba yohluke kubini. U-Amanda Xhala uncokole nentatheli yezemidlalo, uMonwabisi Jimlongo ngale nyewe...
TRUNEWS @6 - CONSTITUTION 30FOR30 Campaign
Usapho, indawo yokuhlala okanye indlu yakho, nobomi obungcono ekuhlaleni, zizinto ezikhuselwayo ngumqulu wamalungelo oqulathwe kumgaqo-siseko weloMzantsi Afrika. Nanjengoko umgaqo-siseko weli lizwe ugqiba iminyaka engamashumi amathathu sukela oko wathi wasekwa, ingaba uthini ngokubhekiselele kwezi zinto sele sizikhankanyile? Ukuxoxa banzi ngalo mba, u-Amanda Xhala uthethe nengcali yezomthetho, uPheleka Mahlathi...
Save video to ...
