TRUNEWS @6 - SA businesses lose billions of rands due to US trade tariff hikes

Kuvakala ukuba amashishini athumela iimveliso zawo eMelika ajongene nelahleko ezibhiliyoni eziphindaphindeneyo zeerandi, ngenxa yobudlelwane borhwebo obufadalalayo kunye Melika. Amashishini kwiphondo leNtshona Koloni lilodwa, alahlekelwe yimali engange R2.8 billion kwintengiso yeemveliso ngo2025, logama amanye enyanzeleke avale, ntoleyo ebeka emngciphekweni amawaka emisebenzi. IMelika yenyuse irhafu yeemveliso zeli ezithengiselwa elalizwe ngo30% kweyeThupha. Sithe makhe sijonge imeko yorhwebo kwicandelo lezolimo. U-Amanda Xhala uncokole nophuma kwi-Agricultural Research Council, uNjingalwazi Bongani Ndimba...

TRUNEWS@6-Analysis on the Concourt judgement

Inkundla yomgaqo siseko igwebe ngecala le ANC kumba wabagqatswa abangazange bafakwe kuluhlu labagqatswa kwi IEC. Lo mbutho uye wacel'umngeni kwisigqibo senkundla yezonyulo esaba ngecala le IEC, nebesikhuphela ngaphandle abagqatswa abayi-181 ne ANC ukuba bazigqatsele unyulo koomasipala abathandathu. Le mbambano isukela ekubeni iANC isilele ukucofa iqhosha elithi "Submit as Final" kwinkqubo yeIEC yokufaka abagqatswa ngaphambi kwexesha ebelibekiwe. UAmanda Xhala ubenodliwano ndlebe nomhlalutyi wezopolitiko, ugqirha Asiphe Mxalisa.

TRUNEWS @6 - ANC members and supporters excited about the Concourt judgement

Ehlile amaphaphu kumalungu nabaxhasi be-ANC kwiphondo iMpuma Koloni, kulandela isigwebo senkundla yoMgaqo-siseko, negwebe ngecala lalo mbutho. I-ANC ibijamelene nengxaki yokuba ibingazo kubanabo abagqatswa abakhuphisana kunyulo loorhulumente basekhaya koomasipala bemimandla iNgquza Hill neSajonisi, ngeli lixa koomasipala bemimandla iWalter Sisulu neSunday's River lulunye kuphela uluhlu lwabagqatswa oluye lwangeniswa kwikomishoni ezimeleyo yezonyulo, i-IEC ngamafuphi. Oku kulandela ukusilela kwalo mbutho ukucofa iqhosha elibhalwe "Submit as Final" kwinkqubo ye-IEC yokuchonga abagqatswa ngaphambi komhla obubekiwe, wamashumi amabini anesibhozo kweyeThupha. Le nkundla ingaphezu kwazo zonke ezeli lizwe iyalele i-IEC ukuba iquke abagqatswa be-ANC kuxwebhu lokuvota. UNkululeko Nyembezi uza nengxelo ethe vetshe...

TRUNEWS@6-Constitutional Court has ruled in favour of the ANC

Inkundla yomgaqo-siseko igwebe ngecala le-ANC, nalapho ivumele ukuba abagqatswa balo mbutho abayi-181, nabebekhatyiwe ngaphambili yikomishoni ezimeleyo yezonyulo ukuba bazigqatse kunyulo loorhulumente basekhaya oluza kubanjwa ngomhla wesine kwinyanga ezayo. Le nkundla ikwavumele ukwamkelwa kwengxelo efungelweyo efakwe emva kwethuba, ngelithi olu libaziseko lube luncinane, izizathu eziye zafakwa ziyanelisa, kwaye ayikhange idale ukuba kwenzelwe ifeya icala elinye. Usosiba-jikelele we-ANC, uFikile Mbalula, uye wafikelwa lufefe ngethuba ethetha namajelo eendaba emva kwesi sigwebo, waze waquleka emva koko. UVuyolwethu Mabeqa uza nengxelo esiyiqulunqelwe nguSibahle Motha...  

TRUNEWS@6-Understanding the ballot paper in the 2026 LGE

Ngomhla wesine kweyeNkanga, abavoti abaselungelweni bazakuthatha inxaxheba kunyulo loomasipala lwalo nyaka. Xa befika kwizikhululo zokuvota, bambi bazakunikwa iimpepha zokuvota ezimbini, ngethuba abanye bezakunikwa ezintathu. Njengenxalenye yamanqaku ethu angonyulo, sibize ikomishoni ezimeleyo yezonyulo ukuba isincede sifunde ngokuba umvoti uzakunikwa ii-ballot papers ezimbini okanye ezintathu xa kutheni? UAmanda Xhala uncokole nosekela manejala we-IEC eMpuma Koloni, uMasindi Mosehana

TRUNEWS @6 - Mike Shingange has been elected as the new president of COSATU

UMike Shingange wonyulwe nje ngomongameli omtsha womfelandawonye wemibutho yabasebenzi, i COSATU, kulandela ukupatyalaka kwenkongolo yalo mfelandawonye kwinyanga ephelileyo.  Oku kuza emva kokuba iimanyano zabasebenzi eziliqela zazingafuni ukungenisa uluhlu lwabathunywa abazimase le nkongolo abaxhasa uShingange njengomongameli. Obekade engumongameli walo mfelandawonye, uZingiswa Losi, kungoku nje ubambe isikhundla sikanobhala-jikelele. Abathunywa abazimase le nkongolo kazwelonke ye COSATU yeshumi elinesihlanu, ebanjwe ngokutsha, bazamkele iinkokheli eziphezulu ezintsha, bevuma amagwijo bedanisa. Namhlanje lusuku lokugqibela lokuhlala kwale nkongolo, nebanjelwe eKempton Park, kwiMpuma yeRhawuti. Kwingxelo kaNothando Magudulela, nanku uThandokazi Vusani...

TRUNEWS @6 - Judgment reserved in the matter between EFF, the African Legal Professionals Association and the Parliament's Impeachment Committee.

Sinkonyiwe isigwebo kumba weKomiti yePalamente ejongene nokushenxiswa kuka Mongameli, sokuchitha isigqibo sayo sokutyumba uAdvocate Thandazani Madonsela njengokhokela ubungqina. Umbutho weEFF nowezomthetho iAfrican Professional Association,  icel'umngeni kwesi sigqibo kwiNkundla ephakamileyo eNtshona-Koloni, isithi ukuchithwa kwesi sigqibo akukho semthethweni kwaye akufanelekanga. Le komiti ichithe esi sigqibo emva kwembalelwano kaMongameli uCyril Ramaphosa, apho atyhola ngamathuba okubakho kokukheth'icala kuMadonsela kuba ethe wamkhupha kwiKomishoni yobulungisa, iJudicial Service Commission, kwanokuba uMadonsela wakhe wacebisa iANC kwinkqubo ka section 89. Omabini amagqwetha ale mibutho  axoxe ngelithi, uMadonsela waziveza ngokwakhe ngokubandakanyeka kwakhe kulomba weANC ngethuba ephendula kule komiti. Ingxelo yeka Abongwe Kobokana...

TRUNEWS@6-IEC briefing on special votes and preparations for the 4 November polls

Ikomishoni ezimeleyo yezonyulo, i-IEC, ithi iya kunyanzeleka ukuba ijongane neendleko ezimandla ukuba inkundla yomgaqo-siseko igweba ngecala le-ANC, nalapho icela umngeni ngokungaqukwa koluhlu lwabagqatswa bayo. I-IEC ibichazela amajelo eendaba kundlunkulu wayo eCenturion kwiphondo iGauteng, ngethuba kuqukunjelwa izicelo zeevoti ezikhethekileyo, kuquka nomgama osele iwuhambile ngaphambi kokubanjwa konyulo loorhulumente basekhaya. UBusi Bopela usenzela lengxelo.

TRUNEWS@6 HOFMEYR COMMUNITY DEVELOPMENT FORUM MANIFESTO

INTERCHANGE| Is rainwater actually safe for human consumption?

Uphando lweziko-mfundo iYunivesithi Walter Sisulu eMpuma Koloni lufumanise ukuba amanzi emvula asetyenziswa kumakhaya amaninzi awakhuselekanga xa ethelekiswa nomgangatho wokhuseleko lwamanzi. Olu phando lugxile kumanzi emvula awa esibhaka-bhakeni, amanzi emvula awa kuphahla lwe-zinki, amanzi emvula awa kuphahla lwe-tile, kunye namanzi awa kwiphahla lwe-zinki eline paint. Luye lwafumanisa ukuba zikho intsholongwane ebizwa ukuba yi "e-coli" neqokelelwa ngala manzi phambi kokuba ayokufika kumatanki agcinwa kuwo, nanto leyo ebeka iimpilo zoluntu emngciphekweni. U-Ayabonga Kekana uye wancokola nomphandi obekhokela olu phando kule Yunivesithi, uThokozani Mangesi nalapho aqale ngokumbuza ngemvela-phi yolu phando...

TRUNEWS@6-In conversation with an independent at Chris Hani district municipality

Eminye yemiba eyaphakanyiswayo ngethuba ikomiti yasepalamente yayityelele umasipala Inxuba Yethemba, eNxuba, phantsi komasipala wesithili iChris Hani, ngumba weenkonzo zamanzi nogutyulo. Kwaye kwaphinda kwavakala ukuba ezinye iinkonzo ziphela zisenziwa ngabahlali nanjengoko umasipala esilela. UAmanda Xhala uncokole nomgqatswa ozimeleyo kumasipala Inxuba Yethemba, uNomakhwezi Mbuzwana.  

TRU NEWS @6| Calls for WHO to declare the climate crisis a public health emergency concern

Iimfunalwazi zeziko lemfundo iWits kwicandelo elibizwa iPlanetary Health Research, kwakunye namanye amaziko amanye amazwe angoogxa beliziko, bamemelela kumbutho wezempilo kwihlabathi, iWorld Health Organisation kunye namazwe ayinxalenye, ukuba bachaze ngokusesikweni ingxaki yokuguquguquka kwemozulu njengemo engxamisekileyo yezempilo kumazwe ngamazwe, iPublic Health Emergency of International Concern. Ezimfunalwazi zixoxe ngelithi, ichaphaza olunalo uguquguquko lwemozulu kwimpilo lufuna ungenelelo lwehlabathi, ukukhusela iimpilo zabo basemngciphekweni. U-Amanda Xhala uncokole ne-Wits Planetary Health Research's, Dr Natasha Lalloo...

TRUNEWS@SIX: THE INDEPENDENTS MANIFESTO

umbutho The Independents, nogayela inkxaso kumasipala i Enoch Mgijima ophantsi komasipala wesithili iChris Hanii, oquka iidolophu ezifana neKomani, Cofimvaba, Middelburg, Tarkastad ukubala nje ezimbalwa wothula i Manifesto yawo ngelizwi likasekela sihlalo walombutho  uNtozelizwe Tom

TRUNEWS @6 - Calls for more transparency and legal framework when forming coalitions at local government level

Iingcali zimemelela ukwenziwa kwezinto elubala nesiseko somthetho xa kusekwa ulawulo lweendibanisela, kwisigaba sorhulumento loomasipala. Oku kuza ngethuba iziko lophando iMapungubwe Institute for Strategic Reflection (MISTRA), liphehlelele ingxelo yalo ka2026 engolawulo lwendibanisela namhlanje eRhawutini. Ingxelo yalo ibonisa elikufumanisileyo ngemiba erhangqe ulawulo lwendibanisela kweli, ukusukela ngonyaka u2021 ukuya kweyoMdumba kulo nyaka ka2026. Ukuphehlelelwa kwale ngxelo kwenzeka kwisithuba nje esingaphantsi kwenyanga phambi kokuba abemi beli baye kunyulo loorhulumente basemakhaya. U-Amanda Xhala ukulungiselele le ngxelo ka Zara Groenewald…

TRUNEWS @6 - An update on the TRC Cases Inquiry and the scheduled appearance of former Presidents

Ababesakuba ngoomongameli, uThabo Mbeki noJacob Zuma, kulindeleke ukuba bavele phambi kophando lwamatyala enyaniso noxolelwaniso kwezi veki zimbini zizayo. UMbeki ucwangciselwe ukuvela iintsuku ezimbini, ngomhla weshumi elinethoba namashumi amabini kule nyanga, ngeli lixa uZuma kulindeleke ukuba avele ngomhla wamashumi amabini anesibini kule imiyo. Le komishoni, nosihlalo wayo inguJaji Sisi Khampepe, yasekwa ngoCanzibe kunyaka ophelileyo, ngelokuphanda ngolibaziseko lwangabom, nongenelelo lwezopolitiko ekuphandweni nasekutshutshisweni kwamatyala exa lorhulumente wengcinezelo. Sukela ekuqaleni kwalo, olu phando luye lwajamelana namadabi omthetho, nalapho luye lalwa iinzame zokuba inkokheli yobungqina yalo, uAdv Ismael Semenya kwakunye nosihlalo wayo uJaji Sisi Khampepe, bazikhwebule kulo. ULikho Jack usilungiselele le ngxelo kaBusi Bopela...  

TRUNEWS @6 - Parties and labour call for urgent government relief on fuel price hike

Imibutho yezopolitiko neyabasebenzi, imemelela ungenelelo olungxamisekileyo lukarhulumente ekukhuseleni abathengi nanjengoko uluntu loMzantsi Afrika luzilungiselela ukujamelana nokwenyuka okumandla kwakho kwamaxabiso amafutha. Oku kwenyuka kwamaxabiso amafutha kulindeleke ukuba kubeke uxinizelelo nangakumbi kwiipokotho zamakhaya eli, kwiindleko zothutho nakumaxabiso okutya. UMkhokheli Bandla usiqulunqele le ngxelo...

#NEWSREVIEW: O R TAMBO POLITICAL DEBATE SIMULCAST

Kwinkqubo ndaba u NewsReview namhlanja siqwalasela umasipala i OR Tambo District nalapho imibutho ezigqatsela phantsi koomasipala abakulammandla befumana ithuba lokudakanca imiqulu yezithembiso besitsho nokuba kutheni mabavotelwe. U Ayabonga Kekana no Esona Funeka basiphathele lenkqubo...

INTERCHANGE-EC film production, Village Cinema Line (Pty) Ltd, to bring EC stories to the world

Inkampani ezimeleyo evelisa imiboniso bhanyabhanya iVillage Cinema Line (Pty) Ltd, eMpuma Koloni, ingena kwisigaba esitsha sokwandisa imiboniso yalapha ekhaya, ukuveza awona mabali okwenyani eMpuma Koloni kubabukeli boMzantsi Afrika nangaphandle. Kungokunje lenkampani iqhuba amaphulo aliqela okuvelisa imiboniso bhanyabhanya kuquka amabali . UAmanda Xhala uncokola nomvelisi nomseki walenkampani, uLukhanyo Manyangaza

GREAT KEI MOVEMENT MANIFESTO

Umbutho iGreat Kei Community Movement ngumbutho okumasipala iGreat Kei nongumasipala ophantsi kwe-Amathole District Municipality. Lo mbutho yeminye yemibutho ezakuthatha inxaxheba kunyulo loomasipala. Injongo yawo kukujongana neemfuno zoluntu kwakunye norhulumento. Iidolophu eziphantsi kwalomasipala ziquka iQumrha, Kei Mouth, kwakunye ne Morgan's Bay. Lo masipala akohlukanga kakhulu kwabanye oomasipala abaphantsi komasipala wesithili iAmathole, kuba ungqongwe ziilali ntoleyo ebangela bangenzi ngeniso. Ukuva ngezithembiso zombutho weGreat Kei Movement, sinaye uMzimasi Mtalo. 

Phakama Adelaide Movement manifesto

Kusele iintsuku ezingamashumi amathathu anesine phambi ko nyulo looMasipala basekhaya. Njengoko siqhuba nokukhweba amaqela ezopolitiko, namhlanje sibize umbutho iPhakama Adelaide Movement, nozigqatsela phantsi komasipala wesithili iAmathole kunye neRaymond Mhlaba. UAmanda Xhala uncokola nophuma kulo mbutho, uBantu Moyo...