listen to Ukhozi FM Current Affairs
Ukhozi FM Current Affairs
Uhulumeni waKwaZulu Natal ugcizelela ezokuphepha emabhishi kulamaholidi
Sixoxisana nongqongqoshe wezokuthuthukiswa komnotho, ezokuvakasha kanye nezemvelo KwaZulu Natal uMusa Zondi njengoba sekube nokukhathazeka mayelana nokudliwa kwabantu ngoshaka emabhishi aseNingizimu Afrika, nokuyinto engase ibe nomthelela kwezokuvakasha ngeskhathi sehlobo..
EZANAMUHLA: ILEMBE DISTRICT SMALLER POLITICAL PARTIES CONTESTING IN LGE.
Njengoba sekusele isikhathi esingaphansi kwamasonto amabili elakuleli lisingathe ukhetho lohulumeni basekhaya, amaqembu ezepolitiki ahlukahlukene ngaphansi kwesifunda Ilembe okubalwa i-KZN Independence, African Economic Freedom, uMkhoto Ilembe kanye ne Service Delivery Party athi akulungele ukuletha ushintsho kanye nokusebenzela umphakathi. Sixoxisane nawo lamaqembu okubalwa i-KZN Independence, African Economic Freedom, uMkhonto Ilembe kanye ne Service Delivery Party.
ABASIKI BEBUNDA: COMMISSION FOR GENDER EQUALITY LAUDS FUNDS ALLOCATED TO FIGHT GBV IN MTBPS
Ikhomishana ebhekelele ukulingana ngokobulili, iCommission for Gender Equality isishayele ihlombe isinqumo sika ngqongqoshe womnyango wezimali, u Enoch Godongwana, sokumemezela imali engango R3.8 billion wamarandi ukuqasha osonhlalakahle abangaphezu kuka 3500 ukuqinisa umkhankaso wokulwisana nokwenyuka kwezinga lokuhlaselwa nokubulawa kwabesifazane. Lokhu kuvele ngenkathi ungqongqoshe ethula isabelozimali samaphakathi nonyaka, iMid-term Budget Policy Statement. Ngaphezu kwalokho umgcinimafa ubeke eceleni imali engango R186 million wokunyusa inani lezinkantolo ezibhekelele amacala okunukubezwa ngokocansi. Ukhomishana Kgadi Mogane uxoxisane ne ntatheli yezindaba ze SABC uTusokwakhe Mhlaba.
IEC Elections Wednesday 21 October 2026
IEC Elections Wednesday 21 October 2026
Taxi business owner Bhekisisa Nzuza hoping to drive change in upcoming local government elections.
Taxi business owner Bhekisisa Nzuza hoping to drive change in upcoming local government elections.
Independent candidate Sfiso Mtshali gunning for Umfolozi Municipality
Independent candidate Sfiso Mtshali gunning for Umfolozi Municipality.
EZANAMUHLA: SAFTU REACTS TO MEDIUM-TERM BUDGET POLICY STATEMENT.
Unobhala-jikelele womfelandawonye wezinyunyana zezisebenzi i-SAFTU uZwelinzima Vavi uthi yize kuzokwehla umthwalo emahlombe abashayeli ukwehla kwentela ka-petrol okumenyezelwe ungqongqoshe wezezimali kuleli u-Enoch Godongwana kodwa kukhona abashayiwe ngaphandle. UVavi ubephawula ngemuva kokwethulwa kwesabelo-mali samaphakathi nonyaka izolo. UVavi ukhala ngokuthi abantu abasebenzisa u-parafin bona bashiywe ngaphandle. Sixoxisane nongunobhala-jikelele we-SAFTU uZwelinzima Vavi.
Umkhanyakude Elections Debate
Umkhanyakude Elections Debate
EZANAMUHLA: KZN SASSA BOSS ON SASSA PAYMENTS DATE CHANGES AND WARNING AGAINST SCAMS.
Isikhungo esihlinzeka ngezibonelelo zikahulumeni i-SASSA sesiluleke izaguga ngokuthi zisheshe zibathinte uma kukhona izinkampani ezibamba imali yazo ngaphandle kwemvume yabo. Lesisikhungo siphinde sakhuthaza ogogo nomkhulu ukuthi bazivulele amacala lezizinkampani ezenza lomkhonyovu. Kusenjalo, i-SASSA isimemezele izinguquko kwizinsuku zokuholela izibonelelo ngenyanga ka-November njengoba kuza ukhetho lomasipala. Sixoxisane noyisikhulu esiyinhloko kwisikhungo esihlinzeka ngezibonelelo zikahulumeni, i-SASSA, uThamo Mzobe.
EZANAMUHLA: DURBAN PENSIONER HAD HER SASSA GRANT DEDUCTED WITHOUT HER CONSENT.
Ugogo waseMlazi eThekwini usexwayise ezinye izaguga ngamaqola akhohlisa abantu abadala abahola izibonelelo zikahulumeni. Lokhu kulandela ukuthi logogo oneminyaka engamashumi ayisithupha nesishiyagalombili (86) ebanjelwe imali engu R210 wamarandi kusukela ngo January nonyaka. Sixoxisane nogogo uThandi Joyisa mayelana nokumehlele.
ABASIKI BEBUNDA: #NOTINMYNAME PRAISES JUDGE'S DECISION TO DENY SIBIYA BAIL
Inhlangano elwisana nodlame lobulili, iNot In My Name income isinqumo sejaji sokunqabela lowo obekade eyiphini likakhomishana wamaphoyisa kuzwelonke uShadrack Sibiya ibheyili. Umsunguli wale nhlangano, uThemba Masango, uthi kodwa lokhu akusho ukuthi unecala noma umsulwa, kodwa umbuso ubhekene nomthwalo wokuphenya kabanzi ukuze ikwazi ukuletha ubufakazi obuqinile enkantolo. USibiya, ubhekene namacala okubalwa kuwona ukushushumbisa abantu, ukufundisa ingane eneminyaka eyishumi nesithupha imikhuba yocansi kanye nezinsolo zokudlwengula owesifazane oneminyaka eyishumi nesishiyagalombili ubudala.
EZANAMUHLA: WATER AND SANITATION DM ON E.COLI IN TSHWANE WATER TREATMENT WORKS...
Iphini likangqongqoshe wezamanzi nenhlanzeko u-David Mahlobo uthi zizothathelwa izinyathelo izisebenzi zomkhandlu-dolobha iTshwane ngokugodla ulwazi ngesikhathi zihlangabezana nenkinga yokushoda kwezibulali-magciwane nokuholele ekuguleni kwabantu abangaphezu kwamakhulu amane. Labantu bagcine bephathwa izisu ngenxa yokuphuza amanzi angahlanzekile kanti bangeniswe ezibhedlela ezahlukahlukene eTshwane. Sixoxisane nephini lika ngqongqoshe wezamanzi nenhlanzeko u-David Mahlobo mayelana naloludaba.
EZANAMUHLA: SACTWU WANTS ONLINE GLOBAL RETAILERS TEMU AND SHEIN BANNED.
Inyunyana yezisebenzi embonini yendwangu, i-Southern African Clothing and Textile Workers Union (SACTWU) ithi izitolo zamazwe omhlaba ezithengisa kwi-internet, i-Temu ne-Shein zinomthelela omkhulu ekulahlekeni kwemisebenzi kuleli. Ithi ukuvalwa kwalezitolo kuzosiza kakhulu ekunqandeni ukulahleka kwemisebenzi embonini yendwangu nokuthunga kulelizwe. Sixoxisane nephini likanobhala-jikelele we-SACTWU, uVilina Membinkosi mayelana naloludaba.
ABASIKI BEBUNDA: SHINGA SUFFERS ANOTHER BLOW IN COURT AGAINST NFP
Inkantolo ephakeme eMngungundlovu isichithile isicelo sikalowo obekade eyilunga le National Freedom Party, uMbali Shinga. Ube phikisa isinqumo sangaphambilini esasiyalela usomlomo wesishayamthetho sesifundazwe ukuba aqhubeke nezinhlelo zokufaka umuntu omusha esikhaleni sakhe. UShinga wakhonjwa indlela eqenjini leNFP waphinde wasuswa esishayamthetho sesifundazwe, ngenxa yokungawuhloniphi umyalelo weqembu ngesiphakamiso so Mkhonto weSizwe Party sokungabethembi ubuholi bandunankulu wesifundazwe, uThami Ntuli. Lolu daba silubheke kabanzi nomhlaziyi wezepolitiki, uZakhele Ndlovu.
ABASIKI BEBUNDA: ECD SUBSDIES REACH 900 THOUSAND LEARNERS
Ungqongqoshwe womnyango obhekelele imfundo eyisisekelo, uSiviwe Gwarube, uthi inani labafundi elithola imfundo yasemazingeni aphansi ngosizo loxhaso olwaziwa nge ECD subsidy lifinyelele ku 900 thousand lisuka ku 700 thousand. Lokhu kuvele kwi ngqungquthela i-Early Childhood Development Summit, eSandton eGoli, ebibanjwe ngaphansi kwesiqubulo esithi "Bana Pele". Le ngqungquthela kuhloswe ngayo ukuqinisa izinhlelo zemfundo emabangeni aphansi ukuze abafundi balungiselele ikusasa.
ABASIKI BEBUNDA: BMA'S NEW VEHICLE TARGETING SYSTEM ADVANCES FIGHT AGAINST CROSSBORDER CRIME
Usekela khomishana weBorder Management Authority, u David Chilembe, uthi kunabashayeli abeqa imigcele nezimoto zabo ngenhloso yokuyozidayisa kwamanye amazwe ukuze bathole imali yomshwalense. Ngenhloso yokunqanda lobu gebengu kanye nobunye obuphathelene nezimoto, i-Border Management Authority (BMA), yethule uhlelo olusha lwezobuchwepheshe besimanje lokuqinisekisa imniningwano yabashayeli kanye nezimoto zabo uma beqa imingcele. Lolu hlelo olwaziwa nge-Vehicle Targeting System, luzoshintsha indlela yokusebenza emngceleni yakuleli isebenzisa ezobuchwepheshe besimanje. Okwamanje, lobu buchwepheshe busebenza emingceleni eyisithupha okwamanje, kanti, iBMA, ihlele ukuthi kushaye uFebruary ka 2027sebufinyelele emingceleni eyisishiyagalombili.
EZANAMUHLA: CCSA ON PLANNED SHUTDOWN OVER HIGH FUEL PRICES.
Inhlangano i-Concerned Citizens of South Africa ithi kumele kuhoxiswe intela efakwa kuphethiloli ngoba lokhu kunomthelela omkhulu ekukhuphukeni kwamanani ezimpahla. Lenhlangano isimemezele ukhukhulela-ngoqo wemashi emadolobheni amakhulu akuleli ngoba ikhala ngokwenyuka kwamanani kaphethiloli. Sixoxisane nokhulumela i-Concerned Citizens of South Africa, uSiphiwe Mpungose, mayelana nalokhu.
EZANAMUHLA: SECURITY AND POLICING EXPERT ON GENERAL MASEMOLA'S REINSTATEMENT.
Ungoti kwezokuphepha nobuphoyisa, udokt uMxolisi Mathebula uthi ukubuyela emsebenzini kukakhomishane wamaphoyisa kuzwelonke, u-General Fannie Masemola kuzobuyisa isithunzi emaphoyiseni. UMasemola ubemiswe emsebenzini kulandela ukubekwa amacala okwephula umthetho omayelana nokuphathwa kwezimali zomphakathi. Nokho lamacala esuliwe kanti ngoLwesihlanu umengameli u-Cyril Ramaphosa umemezele ukubuyiselwa kwakhe emsebenzini. Sixoxisane nodokt uMxolisi Mathebula oyisazi kwezokuphepha nobuphoyisa.
EZANAMUHLA: UMKHANYAKUDE PARTIES ON THEIR ELECTION MANIFESTOS.
Amaqembu ahlukahlukene angaphansi komkhandlu wesifunda uMkhanyakude enyakatho yesifundazwe i-KwaZulu-Natal asethembise ukuxazulula inkinga yokwantuleka kwamanzi kulesifunda. Lamaqembu abekhuluma ngokuqukethwe kosomqulu bawo bokhetho ngaphambi kokhetho lomasipala oluzoba ngenyanga ezayo. Sixoxisane namaqembu i-ACDP, i-God's Justice Development Party kanye ne-People's Power Freedom Party.
EZANAMUHLA: ANCYL IN GAUTENG WANTS POLICE TO PROBE BRUTAL KILLING.
Uphiko lwentsha lwe ANC kwisifundazwe i-Gauteng, luthi kungenzeka ukuthi abanakho ukubekezelela abanye kwezepolitiki labo abasolwa ngokubulala amalungu amane aloluphiko eKatlehong, e-East Rand. Loluphiko lufuna ukuthi umthetho uthathe indawo baboshwe bonke abenzi bokubi kulandela lesehlakalo esenzeke ngoLwesibili ebusuku. Sixoxisane noKgotso Pooe okhulumela i-ANC Youth League kwisifundazwe i-Gauteng.
Save video to ...
